Ցոլակ Խաչատրյանին տրամադրվել է իր ցանկացած փաստաթղթերից կատարված քաղվածքները. ՔԿՎ

ՀՀ ԱՆ «Վարդաշեն» քրեակատարողական հիմնարկի դատապարտյալ Ցոլակ Խաչատրյանին օրենքով սահմանված կարգով տրամադրվել է իր ցանկացած փաստաթղթերից կատարված քաղվածքները: Այս մասին NEWS.am-ը տեղեկանում է ՀՀ ԱՆ ՔԿՎ հանրային կապերի բաժնից:

ՀՀ ԱՆ «Վարդաշեն» քրեակատարողական հիմնարկը օրենքով սահմանված կարգով դատապարտյալին տրամադրել է իր ցանկացած փաստաթղթերից կատարված քաղվածքները:

Ինչ վերաբերում է դատապարտյալի խնդրանքին` պատիժը կրելուց պայմանական վաղաժամկետ ազատելու, պատժի չկրած մասն ավելի մեղմ պատժատեսակով փոխարինելու հարցերով անկախ հանձնաժողովի որոշման լուսապատճենը տրամադրելուն, ապա տեղեկացնենք, որ նախ դատապարտյալ Ց. Խաչատրյանը ծանուցվել է իր նկատմամբ կայացված որոշման մասին, ապա տեղեկացվել, որ վերոնշյալ որոշումը կարող է ստանալ տվյալ հանձնաժողովից:

Ապօրինի կերպով ծառայության չներկայանալու մեղադրանքով 2.5 տարվա ազատազրկման դատապարտված «Վարդաշեն» ՔԿՀ-ում գտնվող նախկին սպա Ցոլակ Խաչատրյանը բաց նամակ է գրել Նախագահ Սերժ Սարգսյանին, որի մեջ ասել էր.

«Ես ՀՀ ԱՆ «Վարդաշեն» ՔԿՀ-ի ղեկավարությունից 2017թ. հունվարի 12-ին եւ 18-ին պահանջել եմ իմ վերաբերյալ որոշակի տեղեկություններ եւ փաստաթղթեր, սակայն, ՀՀ ԱՆ «Վարդաշեն» ՔԿՀ-ի ղեկավարությունը ապօրինի եւ անհիմն կերպով իմ կողմից պահանջված հաշվառված եւ կնիքված տեղեկանքի փոխարեն ինձ տրամադրում է չհաստատված եւ չկնիքված ինչ-որ տեղեկանքի պատճեն եւ փաստացի կտրականապես հրաժարվում է ինձ տրամադրել իմ կողմից պահանաջված օրինական տեղեկանքը: Իմ կողմից պահանջված վաղաժամկետ ազատարձակման անկախ հանձնաժողովի կողմից տարբեր ժամանակահատվածներում կայացված իմ վերաբերյալ որոշումների վավերացված պատճենների փոխարեն ինձ տրամադրվում է նշված հանձնաժողովի կողմից իմ վերաբերյալ կայացված որոշումների չվավերացված պատճենները:

Հարգելի պարոն Նախագահ, ՀՀ ԱՆ «Վարդաշեն» ՔԿՀ-ի ղեկավարության վերոգրյալ գործողությունները գնահատման արդյուքնում ակնհայտ է, որ նրանցում առկա են ՀՀ ՔՕ 148, 314 եւ 308-րդ հոդվածների հատկանիշներով հանցագործություններ, նաեւ ակնհայտ է դառնում, որ կոպտորեն խախտվել են ՀՀ Սահմանդրության 51-րդ հոդվածով եւ «Տեղեկատվության ազատության մասին» ՀՀ օրենքի 6-րդ հոդվածի 1-ին մասով սահմանված իմ իրավունքները»: