Եթե չկա հակակշիռ՝ միշտ ունենալու ենք ամբողջական իշխանություն, որն ինչ ուզի՝ կանի. Լարիսա Ալավերդյան

Հայաստանը մնացել է նույն մոդելի մեջ, երբ կա գերիշխող ուժ, և թերությունն այն է, որ բացարձակապես չկա հակակշիռ. այսօր հրավիրված ասուլին նման տեսակետ հայտնեց «Ընդդեմ իրավական կամայականությունների» ՀԿ նախագահ, ՀՀ մարդու իրավունքների նախկին պաշտպան Լարիսա Ալավերդյանը: Փոխանցում է Tert.am-ը:

Ըստ նրա՝ եթե չկա հակակշիռ՝ միշտ ունենալու ենք ամբողջական իշխանություն, որն ինչ ուզի՝ կանի: «Արդեն շրջանառության մեջ է դրվել այն կարծիքը, որ «իրենց դեմ խաղ չկա»»,-ասաց նա:

Լարիսա Ալավերդյանը նշեց, որ շատ լավ է, որ գալիս են ազնիվ մարդիկ, ովքեր ունեն քաղաքական կամք. «Բայց կառավարման համակարգը ոչ թե գալիս է իշխող ուժից, այլ հակակշիռ լինելուց: Մենք պետք է ցանկանանք լավագույնը այս իշխանությանը՝ հակակշիռ լավ ընդդիմության տեսքով. հակառակ դեպքում կմնանք հերոսի, փրկչի հույսին»:

ՀԿ նախագահը նկատեց, որ դեռևս նախաժողովրդավարական կարգերի շեմին ենք:

Մանրամասները՝ Tert.am-ում: