Սեյրան Օհանյան. Ոչ միայն այս դաշինքը, այլ յուրաքանչյուր քաղաքական ուժ գնում են իշխանություն ձևավորելու. տեսանյութ

«Ես ընդհանուր առմամբ ազատ անձնավորություն եմ, օգտվում եմ իմ իրավունքներից: Այսօր էլ ուզում եմ ասել, որ ինձ վրա ոչ ոք չի կարող ազդեցություն գործել, չնայած նրան, որ, գիտեք, ես որտեղից եմ եկել: Իմ գործունեության մեջ էլ ես երբեք չեմ փորձել ազդել որևէ կուսակցության ու անհատի վրա: Բոլոր որոշումներն ընդունվում են փոխադարձ հարգանքի և քննարկումների շրջանակներում»: Այս մասին այսօր լրագրողների հետ զրույցում ասաց պաշտպանության նախկին նախարար Սեյրան Օհանյանը:

«Սամվել Բաբայանի հետ մենք ունենք մտերիմ հարաբերություններ, բայց այն որ ասվում է, որ նա մեծ դերակատարություն ունի մեր համատեղ գործունեության մեջ՝ այդպես չէ, մնացած հարցերը կարող եք իրեն ուղել»,-ասաց Օհանյանը։

Հարցին թե «Օհանյան-Րաֆֆի-Օսկանյան» դաշինքով գնո՞ւմ են իշխանափոխության, Ս. Օհանյանը պատասխանեց. «Ոչ միայն այս դաշինքը, այլ նաև յուրաքանչյուր կուսակցություն, քաղաքական ուժ, որոնք այսօր ձևավորվել են, գնում են իշխանություն ձևավորելու: Նույնն էլ մենք գնում ենք իշխանություն ձևավորելու: Իշխանության ձևավորման ժամանակահատվածում նրանք, ովքեր կկարողանան ժողովրդի մոտ մեծ քվեներ ունենալ, նրանք էլ կլինեն այդ իշխանության տերը: Այն, որ այսօր երկրում համակարգային փոփոխություններ են անհրաժեշտ, որ միայն ես, այլ ժողովրդի 99 տոկոսն է նկատում»:

Անդրդառնալով նրան, թե ինչպե՞ս կվերաբերվի, եթե հանրահավաքների ժամանակ իշխանութունները բանակը և ոստիկանությունը հանեն ժողովրդի դեմ, նախկին նախարարն ասաց․ «Ես այդ ամեն ինչը տեսնում եմ օրինականության սահմանում: Այն ուժերը, որոնք գործունեություն ունեն պաշպանելու մեր ներքին անվտանգությունն, իրենք պետք է գործեն բացառապես օրենքի շրջանակներում, իսկ բանակը ներքին մեր քաղաքական կյանքում անելիք չունի, և բանակը միշտ էլ զբաղվել է իր խնդիրներով»։

Մանրամասները՝ Zham.am-ի տեսանյութում: