«Պետք է ապահովել բանակի թիկունքը». Սեյրան Օհանյանը տիրապետում է լուծմանը. տեսանյութ

Այսօր՝ փետրվարի 13-ին, «Դաբլ Թրի բայ Հիլթոն» հյուրանոցի «Միլանո» սրահում ստորագրվեց «Օհանյան-Րաֆֆի-Օսկանյան» դաշինքի ստեղծման հուշագիրը:

«Օհանյան-Րաֆֆի-Օսկանյան» դաշինքի մաս կազմող ՀՀ Պաշտպանության նախկին նախարար Սեյրան Օհանյանը հուշագրի ստորագրման արարողության իր ելույթում կարևորեց  քննարկումների այն ողջ ընթացքը, որը հանգեցրեց քաղաքական դաշինքի ստեղծմանը:

«Ապրիլյան խորհրդարանական ընտրությունները լինելու են շատ կարևոր ընտրություններ, որտեղ ձևավորվելու է ՀՀ ողջ իշխանությունը և մեզ համար կարևոր է, որ յուրաքանչյուր անձ իր ներդրումն ունենա Հայաստանի համար ազգային և նաև միջազգային երաշխիքների ձևավորման համար: Մեր բոլորիս ուշադրությունը լինելու է Հայաստանի ապագան, դրա զարգացումը և մեր հայրենակիցների անվտանգ գործունեության ապահովումը:

Լինելով երկար տարիներ ՀՀ զինուժի ղեկավարության գլխավերևում՝ համապատասխան միջոցառումներ եմ ձեռնարկել մեր երկրի անվտանգությունն ապահովելու, ՀՀ բանակը զարգացնելու և մարդակենտրոն դարձնելու համար, որտեղ յուրաքանչյուր մարդ անհատականություն է։ Զգալով այն բոլոր խնդիրները, որոնք այսօր կան բանակում՝ մենք քննարկումների արդյունքում եկել ենք եզրակացության՝ այսօր անհրաժեշտ է թիկունք բանակի, մեր անվտանգության համար։ Իսկ բանակի համար թիկունքը մեր երկրի գործունեությունն է բոլոր ոլոտներում, որտեղ զինվորը զգում է տաք շունչը։

Մենք եկել ենք աշխատելու և մեր ունեցած փորձն օգտագործելու ենք կառավարման համակարգում համապատասխան գործունեություն իրականացնելիս։ Իշխանությունների և հասարակ մարդկանց միջև եղած անջրպետը փորձելու ենք վերացնել։ Ուշադրություն ենք դարձնելու մեր երկրի յուրաքանչյուր քաղաքացու անձնական արժանապատվությանը. ովքեր կարող են կառավարման համակարգում գործել, ովքեր ի վիճակի են աշխատելու, համապատասխան աշխատատեղերի ձևավորմամբ աշխատելու հնարավորություններ ենք ստեղծելու մեր բոլոր հայրնեկիցների համար։ Միասին ենք կերտելու մեր երկրի ապագան։ Դաշինքը նրա համար է, որ յուրաքանչյուր անհատի գործունեությունը գնահատի։ Հերի՛ք է հանդուրժենք բոլոր բացթողումները, որոնք այսօր գոյություն ունեն։Մանրամասները՝ տեսանյութում»:

Zham.am