Րաֆֆի Հովհաննիսյան. Մենք վստահ ենք, որ այս ապօրինի իշխանությունն ապրում է իր վերջին օրերը. տեսանյութ

Այսօր՝ փետրվարի 13-ին, «Դաբլ Թրի բայ Հիլթոն» հյուրանոցի «Միլանո» սրահում ստորագրվեց  «Օհանյան-Րաֆֆի-Օսկանյան» դաշինքի ստեղծման հուշագիրը:

«Ժառանգություն» կուսակցության նախագահ Րաֆֆի Հովհաննիսյանը դաշինքի հուշագրի ստորագրումից հետո հանդես եկավ ելույթով, որում մասնավորապես անդրադարձավ դաշինքի ստեղծման նպատակներին:

«Այսօր մենք մեկնարկնենք տալիս նոր որակի, նոր խարիզմայի, նոր ղեկավարության մի շարժման, և «Ժառանգությունը» ամեն ինչ պետք է անի, որ այս պայքարը հանուն ՀՀ քաղաքացու, հանուն մեր ազատության ու ինքնիշխանության պսակվի հաջողությամբ: Մենք ասում ենք՝ այո Հայաստանի ինքնիշխանությանը և Արցախի տարածքային ամբողջականությանը, ասում ենք՝ այո, հայ զինվորին, որն այսօր կանգնած է մեր սահմանին: Եւ հանուն մեր կորուստների, մեր հերոսների և նրանց, ովքեր այսօր ճաղերի հետևում են սեփական երկրում՝ որպես քաղաքական բանտարկյալ, մենք այս պայքարը պետք է տանենք: Անհավանական պայքարը: Հաջողություն ենք մաղթում բոլոր մյուս  դաշինքներին, ընդդիմադիր շարժումներին,  և մենք վստահ ենք, որ այս ապօրինի իշխանությունն ապրում է իր վերջին օրերը: Մենք միասին պետք է վերադարձնենք Հայաստանի սահմանադրականությունը, անկախությունը և ազատությունը», - ասաց նա:

Մանրամասները՝ տեսանյութում:

Zham.am