Ոչ թե արգելել, այլ խստացնել բնապահպանական նորմերը

Այսօր առավոտյան սուրճ խմելիս աչքովս ընկավ այսօրվա «Հայկական ժամանակում» լույս տեսած հոդվածը, ըստ որի կառավարությունը խսացնելու է ՀԷԿ-երի կառուցման համար տրամադրվող լիցեզավորման պայմանները, և դա պայմանավորված է բնապահպանական նկատառումներով: Սա շատ ճիշտ մոտեցում է, ոչ թե ԱՐԳԵԼԵԼ կառուցումը, այլ խստացնել լիցենզիա ստանալու գործընթացը, որպեսզի բնությանը վնաս չպատճառվի, կամ վնասի չափը նվազեցնել՝ հացնելով նվազագույնի: Սա միակ ճիշտ մոտեցումն է: Մեզ ՀԷԿեր պետք են՝ երկրի էներգետիկ համակարգի անկախությունը բարձրացնելու համար, տնտեսական զարգացման համար, և հրաժարվել դրանցից մենք չենք կարող, բայց անվտանգ անվտանգ շահագործել վաղուց էինք արտավոր:

Նույնը պետք է գործի նաև հանքարդյունաբերության ոլորտում: Նույն #Ամուլսարի մասով ևս ես կողմ եմ, որ հանքարյունաբերության գործընթացը վերահսկվի, որ բնությունը չվնասվի, ինչին նաև #ԼիդիանԱրմենիայում են կողմ, որը երևում է նրանց պաշտոնական հայտարարություններից: Կարծում եմ, որ հաջորդ քայլը պետք է լինի նաև գործող այլ հանքերում լուրջ ստուգումներ իրականացնելը, և իրենք նույնպես պետք է աշխատեն այն ստանդարտներով, որոնցով աշխատում է Լիդիան Արմենիան: Ասածս այն է, որ պետք է ոչ թե արգելել, այլ՝ խստացնել բնապահպանական նորմերը:

Լիկա Սվասյանի ֆեյսբուքյան էջից