Ոչինչ, այդ թվում՝ Վալերի Օսիպյանի ոչ պրոֆեսիոնալիզմը, չպետք է ստվերի մեր ընտրությունները. Պետրոս Ղազարյան
Երեւանի ավագանու ընտրություններին մասկացող ուժերից «Բարգավաճ Հայաստան» կուսակցության ցուցակի 7-րդ համարին երեկ դիմակով անձինք «փռել են ասֆալտին»։ Այս մասին սեպտեմբերի 14-ին Նորք Մարաշում ընտրողների հետ հանդիպմանը հայտարարել է կուսակցության ցուցակի 3-րդ համարը ներկայացնող Պետրոս Ղազարյանը։
«Ոչինչ, այդ թվում՝ ոստիկանապետ Վալերի Օսիպյանի ոչ պրոֆեսիոնալիզմը չպետք է ստվերի մեր ընտրությունները։ Մենք դրանում քաղաքական ենթատեքստ չենք տեսնում, սակայն չենք կարող թույլ տալ դա»,–ասել է նա։
Հիշեցնենք, որ սեպտեմբերի 11-ին «Իմ քայլը» դաշինքի հանրահավաքի ժամանակ ՀՀ վարչապետ Նիկոլ Փաշինյանը ԱԱԾ տնօրեն Արթուր Վանեցյանին եւ ՀՀ ոստիկանության պետ Վալերի Օսիպյանին հրահանգեց իրականացնել ռեյդեր, օլիգարխներին, բարձրաստիճան պաշտոնյաներին, թիկնազորներին պառկեցնել ասֆալտներին եւ զինաթափել:
Հետևեք մեզ Facebook-ում