«Ես իմ գործունեության ընթացքում երբեք շոու անելով չեմ զբաղվել». Վալերի Օսիպյանը՝ օլիգարխների թիկնազորին «պառկացնելու օպերացիաների» մասին
«Շոու անելու այնքան տարբերակներ կան, բայց ես իմ գործունեության ընթացքում երբեք շոու անելով չեմ զբաղվել»,- ասաց ՀՀ ոստիկանապետը՝ պատասխանելով դիտարկմանը, որ օլիգարխների թիկնազորին «պառկացնելու օպերացիաները» հասարակության մեջ «ռեյդ-շոուներ» են անվանում:
Ըստ նրա՝ լավ հայտնի է, թե ովքեր են շոումենները:
«Փորձում են ցեխ շպրտել ոստիկանության վրա»,- ասաց Վ.Օսիպյանը՝ ընգծելով, որ ոստիկանությունը երբևէ այնքան լավ չի աշխատել, ինչպես հիմա:
Հարցին, թե երկու ժամվա ընթացքում ոստիկանությունն ի՞նչ արդյունքներ գրանցեց, Օսիպյանը պատասխանեց. - «Արդյունքներ միշտ էլ կան, մեր առօրյայում էլ ունենք արդյունքներ, և այնպես չէ, որ ամեն ինչ պետք է լուսաբանենք, կան, որ չենք լուսաբանում»։
Օսիպյանը նշեց, որ ոստիկանությունը մշտապես ստանում է օպերատիվ տեղեկություններ, որոնք ենթակա չեն հրապարակման։
«Ստուգում ենք այդ ամենի օրինական լինելը։ Ոստիկանությունը ոչ թե հաճույք է ստանում ամեն մի քաղաքացու գետնին պառկեցնելով, կամ դեմ տալով պատին, մեքենային, և ստուգելու, ոչ, բացառապես հաճույք չենք ստանում, դա օրինական գործընթաց է և պայմանավորված է նրանով, որ ունենում ենք տեղեկություներ, որ իրենք ունենում են զենքեր։ Զինված քաղաքացին մշտապես համարվում է վտանգ, և մենք ստուգում ենք զենքի օրինականությունը, ճշտում ենք նրա առնչությունը որևէ հանցագործության դեպքի հետ», - ասաց Օսիպյանը։
Մանրամասները՝ Ազատության և 168.am -ի տեսանյութերում
Հետևեք մեզ Facebook-ում