«Ժառանգության» միացումը Օհանյան-Օսկանյան դաշինքին խոհեմ որոշում էր

Տեսնում եմ, որ առանձին կուսակցական և ոչ կուսակացական դեմքեր քլունգը առած ընկել են «Ժառանգության» հետևից, բայց իր միացումը Օհանյան-Օսկանյան դաշինքին խոհեմ որոշում էր կամ ավելի խոհեմ էր, քան առանձին մասնակցելը կամ չմասնակցելը: Առանձին մասնակցելու համար, կարծում եմ, ռեսուրս չուներ: Քաղաքական կուսակցություն լինել ու ընտրության չմասնակցելը նշանակում է ֆուտբոլային թիմ ստեղծել, բայց ֆուտբոլի առաջնության չմասնակցել:

Եթե «Սասնա Ծռերի» արածի պես մի բան չես անում, ապա մնում է մասնակցելը: Էս պահին ստեղծված քաղաքական բլոկների մեջ չկան այնպիսիները, որոնք էս կամ էն չափով մեղսակից չեն Հայաստանում ստեղծված իրավիճակի համար: Եթե Հայաստանի քաղաքական դաշտում լիներ ձյունաճերմակ, քաղաքական սրբերից բաղկացած մի դաշինք, ապա իմաստ կունենար քլնգել «Ժառանգությանը», թե ինչու այդ դաշինքին չմիացավ:

Ապրես Զոհրաբյանի ֆեյսբուքյան էջից