Մի սխալ որոշում, մի սխալ քայլ կարող է ներդրողներին վախեցնել

Այսօր ֆրենչայզինգին նվիրված հայ-ամերիկյան գործարար համաժողովի ընթացքում Հայաստանում ԱՄՆ դեսպան Ռիչարդ Միլսը լրագրողների հետ զրույցում անդրադարձավ հայ-ամերիկյան տնտեսական հարաբերություններին՝ նշելով, որ ԱՄՆ-ն հավատացած է՝ գերազանց հնարավորություններ կան ամերիկյան և հայկական բիզնեսների համար միասին աշխատելու և բարգավաճելու:

Նա նաև նշեց, որ ամեն մի սխալ քայլ կարող է ներդրողներին վախեցնել: Ես չգիտեմ հասկագան թե ոչ, բայց ըստ իս դեսպանի խոսքն ուղղված էր Ամուլսարի հանքի շուրջ տեղի ունեցող զարգացումներին: Հիշեցնեմ, որ ըստ փորձաքննության հանքը Ջերմուկին ու Սևանին վնաս չի տալիս, բայց կառավարությունը որոշելով «թիթեռ նկարել» թիթեռներին «փրկելու համար»՝ որոշել են ևս մեկ միջազգային փարձաքննություն անել, բայց դրա հետ մեկտեղ, ըստ օրենքի տառի չի բացել դեպի Ամուլսար տանող ճանապարհը և թույլ չի տալիս Լիդիան Արմենիային շահագործել հանքը:

Եւս մի երկու-երեք նման քայլ և ներդրողները կիլոմետրերով հեռու կմնան Հայաստանից:

Մի բան էլ ապրիլ-մայիս ամիսների իրադարձություններից հետո շատ էին ասում, որ մարդիկ հետաքրքրված լինելով Հայաստանով, որտեղ նման զարգացումներ տեղի ունեցան, կցանկանան գան ներդրում անեն: Բայց իրականությունը կայանում է նրանում, որ մարդիկ գալու են ներդրում անեն միայն այն դեպքում, եթե միջավայրը լավ լինի, թե չէ կիսամյակը մեկ հեղափոխություն չենք անելու որ մարդիկ Հայաստանի մասին լսեն ու ուզենան գալ:

Կառավարություն ջան, ժամանակն է գործել, ճիշտ կողմնորոշվեք:

Լիկա Սվասյանի ֆեյսբուքյան էջից