ԲԷՑ-ն ինքնակամ 140 մլն դրամ կվերադարձնի պետբյուջե. Դ․ Սանասարյանն ամփոփեց աշխատանքային 100 օրը (տեսանյութ)

Պետական վերահսկողության ծառայության աշխատակիցների մեր թիմը համալրվել է պրոֆեսիոնալներով, որոնք աշխատել են տարբեր ընկերություններում։ Իրականում դժվար է զբաղվել պրոֆեսիոնալ գործով և ստանալ ավելի քիչ, քան կարող էին ստանալ մասնավոր հիմնարկում։ Այսօր նման հայտարարություն արեց Պետական վերահսկողության ծառայության ղեկավար Դավիթ Սանասարյանը՝ ամփոփելով պաշտոնավարման 100 օրը։ Նա նշեց, որ շատ դժվար, բայց միևնույն ժամանակ շատ հաճելի գործ է կառույցը զրոյից կառուցելը։

«Ամեն օր ստանում ենք բացասական գնահատական, այս մարդիկ ոչ թե հայրենիք են եկել, այլ կոխան էին եկել, որ հարստանան։ Վարչապետն էլ քաղաքական հայտարարություն է արել, որ մեր նպատակը բանտերը նախկին կոռուպցիոներներով լցնելը չէ, եթե պետության հասցված վնասը փոխհատուցեն, ապա այդպես ասած՝ ներում կլինի։ Քննչական մարմինները կգնահատեն, թե որքանով կա հանցակազմ։ Առաջին արդյունքն այն է , որ 40 մլն դրամով նվազեցրել են նախահաշիվային արժեքը, այսինքն՝ շարունակելու են ԲԷՑ-ին ծառայություն մատուցել, բայց այդքան պակաս, ԲԷՑ-ը 140 մլն դրամ առաջիկայում պետբուջե կվերադարձնի: Այն թվերն այն թվերն են, որոնք իրենք պատրաստ են վերադարձնել բյուջե: Իրենք են եկել ինքնակամ, քանի որ մեր գործը վարչապետին ու իրավապահ մարմիններին ներկայացնելն է։»,- ընդգծեց Դավիթ Սանսարյանը։

Մանրամասները՝ Tert.am-ի տեսանյութում