Մանրամասներ Պուտին-Ալիև հանդիպումից Սոչիում. ռուս-ադրբեջանական համագործակցությունը Պուտինը որակեց որպես ռազմավարական, կքննարկվի նաև ԼՂ հակամարտությունը

Ինչպես արդեն տեղեկացրել ենք, այսօր ՌԴ Սոչի քաղաքում կայացավ Ռուսատանի և Ադրբեջանի նախագահներ Վլաիմիր Պուտինի և Իլհամ Ալիևի հադիպումը: Հանդիպմանը Վլադիմիր Պուտինը ռուս-ադրբեջանական հարաբերությունները որակեց՝ ռազմավարական գործընկերություն:

- Կցանկանայի նշել, որ մեր հանդիպումները պարբերական բնույթ են կրում, և դա բնական է. մեր փոխգործակցությունը զգալի մեծ է, մենք դա ռազմավարական գործընկերություն ենք անվանում, - մեջբերում է Վլադիմիր Պուտինին ՌԴ նախագահի մամուլի ծառայությունը:

Պուտինը նաև նշել է, որ ռուս-ադրբեջանական հարաբերությունները զարգանում են թե քաղաքական, թե տնտեսական ուղենիշով: 

- Նախորդ տարի ապրանքաշրջանառության աճը կազմել է 34 տոկոս, իսկ այս տարվա առաջին կիսամյակում քաղաքացիական նշանակության ապրանքների վաճառքի ծավալը աճել է 20 տոկոսով: Դրանք բավականին լավ ցուցանիշներ են, - ասաց Պուտինը:

Ադրբեջանի նախագահ Իլհամ Ալիևը իր հերթին նշեց, որ ադրբեջանական կողմը նույնպես բավարարված է ռուս-ադրբեջանական կապերի զարգացմամբ բոլոր ոլորտներում: 

- Հարաբերությունները լիարժեք զարգանում են, շատ արդյունավետ: Ակտիվ քաղաքական երկխոսություն, - ասաց Ալիևը:

Ալիևը նաև նշեց, որ այսօր կքննարկեն «հայ-ադրբեջանական Լեռնային Ղարաբաղի հակամարտության կարգավորման հետ կապված հարցեր, տարածաշրջանային խնդիրներ»:

Zham.am