Դմիտրի Պեսկովը մանրամասներ է հաղորդել այսօր կայանալիք Ալիև-Պուտին հանդիպումից

ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը մանրամասներ է հայտնել այսօր Սոչի քաղաքում կայանալիք Ալիև-Պուտւն հանդիպումից: Հաղորդում է TASS գործակալությունը:

Ըստ Դմիտրի Պեսկովի, երկու երկրների նախագահները սկզբում բանակցություններ կունենան նեղ, այնուհետև լայն կազմով՝ պատվիրակությունների անդամնեի մասնակցությամբ: 

- Փաստաթղթեր կստորագրվեն և պետության ղեկավարները համապատասխան հայտարարություններ կանեն մամուլի համար:

Կրեմլում հաղորդել են նաև, որ Վլադիմիր Պուտինը և Իլհամ Ալիևը կդիտարկեն երկկողմանի օրակարգի կարևոր հարցեր, այդ թվում առևատրատնտեսական փոխշահավետ համագործակցության հեռանկարները:

- Ինչպես նաև մտքերի փոխանակություն տեղի կունենա միջազգային և տարածաշրջանային արդի հարցերի վերաբերյալ: Բանակցությունների արդյունքում սպասվում է մի շարք միջկառավարական և միջգերատեսչական փաստաթղթերի ստորագրում, - հաղորդվում է Կրեմլում:

Նախորդ անգամ ՌԴ և Ադրբեջանի նախագահը հանդիպել են հունիսի 13-ին Մոսկվայում, երբ Ալիևը ժամանել էր Ֆուտբոլի Աշխարհի առաջնությանը, որի ժամանակ էլ Պուտինը հայտարարեց Ադրբեջանի նախագահի պաշտոնական այցի նախապատրաստական ախատանքների մեկնարկի մասին: 

Հիշեցնենք, որ Ֆուտբոլի Աշխարհի առաջնության հանդիսավոր բացմանը Մոսկվայում ներկա էր նաև ՀՀ վարչապետ Նիկոլ Փաշինյանը:

Zham.am