«Առողջ և կառուցողական քննադատության դեֆիցիտ կա»․ Արտյուշ Գրիգորյան

«Ջավախք» հիմնադրամի նախագահ Արտյուշ Գրիգորյանը Ֆեյսբուքյան իր էջում գրել է.

«Համացանցում և համացանցից դուրս առողջ և կառուցողական քննադատության դեֆիցիտ կա։ Բոլոր իշխանությունների համար շատ օգտակար է առողջ քննադատությունը, որն ուղղակիորեն բխում է, նաև, երկրի շահերից։ Իսկ մեզ մոտ ի՞նչ կա՝ հիմնականում չարախոսների ու չարախնդացողների, վատաբանողների, զազրախոսների մի փոքրաթիվ բանակ իրենց մեծաթիվ ֆեյքերով։ Երբ առաջանում է որևէ իրավիճակ, որն ինչ-որ կերպ վնասելու է Հայաստանին, սկսում են հեգնել, չարախնդալ, հրճվել՝ հի-հի-հի, ցորենը թանկանալու է, զատո բանանն է էժան, բանան կերեք, ոչխար պահեք բան։ Սա հիմա համարվում է քննադատությու՞ն, ու սա համարվում է ընդդմիադիր կեցվա՞ծք, կամ էսպե՞ս են ընդդիմություն դառնալու հայտ ներկայացնում։ Ինչպես մեծն Ջիվանին կասեր․ «մեծամեծ մարդիկ հեռու են կանգնած, ասպարեզը համբակներուն են թողած»»։