Ադրբեջանի ԱԳՆ-ն արձագանքել է Դեն Բիլզերյանի արցախյան այցին
Բաքվում ուշի ուշով հետևել են Հայաստան ժամանած «պոկերի արքա» Դեն Բիլզերյանի՝ Արցախի Հանրապետություն կատարած այցին։
Ինչպես գրում է ադրբեջանական Report.az-ը, Ադրբեջանի արտաքին գործերի նախարարության պաշտոնական ներկայացուցիչ Հիքմեթ Հաջիևը, խոսելով Բիլզերյանի այցի մասին, այդ ամենն անվանել է «կրկես», իսկ Բիլզերյանին ու նրա գործունեությունը որակել անլուրջ։
«Կարծում եմ, որ ավելի օգտակար կլիներ, որ նրանք, ովքեր կազմակերպել են նրա այցը, նման կրկեսի և անլուրջ գործունեության փոխարեն զբաղվեին Ղարաբաղյան հիմնախնդրի հարցով ու տարածաշրջանում խաղաղության ապահովմամբ»,- ասել է ադրբեջանցի պաշտոնյան։
Աղբյուր՝ Politik.am
Հետևեք մեզ Facebook-ում