Հրդեհը Երևան-Մեղրի ավտոճանապարհին 3-րդ օրն է չի դադարում. բնությանը զգաի վնաս է հասցվել

Օգոստոսի 26-ին, ժամը 08:02-ին տեղեկություն է ստացվել, որ Զառիթափ գյուղի «Բնա» կոչվող տարածքում բռնկված հրդեհի հրդեհաշիջման աշխատանքները վերսկսվել են:

Հրդեհը մարվել է ժամը 07:50-ին:

Այրվել են 20 հա խոտածածկույթ, 100 գիհի և ջերմահարվել է 30 բերքատու ծառ:

***

Օգոստոսի 26-ին, ժամը 08:50-ի դրությամբ հրդեհաշիջման աշխատանքները վերսկսվել են:

Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատի, մարզային փրկարարական վարչության և մարզային ճգնաժամային կառավարման կենտրոնի օպերատիվ խմբերը:

Դեպքի վայրում են գտնվում 20 փրկարար ծառայող և անտառտնտեսության 5 աշխատակից:

Ժամը 12:20-ի դրությամբ սահմանվել է հերթապահություն:

Ժամը 20:10-ին աշխատանքներն ավարտվել են, կվերսկսվեն վաղը:

Մարվել է 20 ծխացող օջախ: Տեղում սահմանվել է հերթապահություն:

***

Օգոստոսի 25-ին, ժամը 14:19-ին «911» ծառայությանն ահազանգ է ստացվել, որ Վայոց ձորի մարզի Վայք քաղաքից դեպի Հեր-Հեր գյուղ տանող ավտոճանապարհի մոտակայքում այրվում է խոտածածկ տարածք:

Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ, հրշեջ-փրկարարական ջոկատի, մարզային փրկարարական վարչության և մարզային ճգնաժամային կառավարման կենտրոնի օպերատիվ խմբերը (21 հրշեջ-փրկարար):

Պարզվել է, որ հրդեհը բռնկվել է Մ-2 ավտոճանապարհի Երևան-Մեղրի հատվածի 143-րդ կմ-ի մոտակայքում. այրվում են բուսածածկ տարածք և ծառեր:

Հրդեհաշիջմանը մասնակցել են 20 ոստիկան, N զորամասի 33 զինծառայող զինվորական և 26 բնապահպան:

Ըստ նախնական տվյալների՝ այրվում են 20 հա խոտածածկ տարածք և մոտ 120 ծառ:

Հրդեհը մեկուսացվել է ժամը 19:18-ին: Աշխատանքները ավարտվել են ժամը 20:08-ին: Սահմանվել է հերթապահություն: