Մենք կխոսենք մի հարցի շուրջ, որը խանգարում է այս տարածաշրջանին. Մերկելը ԼՂ հակամարտության մասին՝ Բաքվում
Պաշտոնական այցով Հարավային Կովկասում գտնվող Գերմանիայի կանցլեր Անգելա Մերկելը Ադրբեջանի նախագահ Իլհամ Ալիևի հետ հանդիպմանը վերահաստատել է Գերմանիայի դիրքորոշումը Լեռնային Ղարաբաղի հակամարտության խաղաղ կարգավորման շուրջ: Հաղորդում է ՏԱՍՍ գործակալությունը:
- Մենք կխոսենք մի հարցի շուրջ, որը խանգարում է այս տարածաշրջանին: Դա ղարաբաղյան հակամարտությունն է, և գերմանական կողմը ցանկանում է աջակցել դրա կարգավորմանը, - ասաց Մերկելը Բաքվում:
Գերմանիայի կանցլերը նաև նշել է, որ Ադրբեջանն ու Գերմանիան կարող են ընդարձակել տնտեսական կապերը:
- Մենք կարող ենք ընդլայնել մեր տնտեսական կապերը, Ադրբեջանը հանդիսանում է Գերմանիայի ամենախոշոր տնտեսական գործընկերը տարածաշրջանում, - ընդգծել է նա:
Բացի այդ, ըստ Ադրբեջանի նախագահի մամուլի ծառայության փոխամցման, Անգելա Մերկելը նշել է, որ Ալիևի հետ հանդիպմանը անդրադարձ կլինի Ադրբեջանում մարդու իրավունքների ու հումանիտար իրավճակին:
Zham.am
Հետևեք մեզ Facebook-ում