ԱՄՆ-ն Պարսից ծոց է ուղարկել էսկադրային ականակիր՝ Սիրիային հարված հասցնելու համար. ՌԴ ՊՆ

Օրեր առաջ Պարսից ծոց է ժամանել ամերիկյան The Sullivans էսկադրային ականակիրը՝ համալրված 56 թևավոր հրթիռներով, իսկ Քաթարի «Էլ Ուդեյդ» ավիաբազայում էլ վերատեղակայվել է В-1В ռազմավարական ռմբարկուն՝ զինված 24 թևավոր հրթիռներով։ Ըստ ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովի՝ սա արվում է Սիրիային հարված հասցնելու համար, փոխանցում է Tert.am-ը։

Ըստ նրա՝ ԱՄՆ-ի, Մեծ Բրիտանիայի և Ֆրանսիայի համար Սիրիային հերթական հարվածը հասցնելու պատճառ պետք է դառնա քիմիական զենքի մասին սադրանքը։

ՌԴ ՊՆ ներկայացուցիչն ընդգծել է, որ անուղղակի ապացույցը նրա, որ ԱՄՆ-ն իր դաշնակիցների հետ պատրաստվում է Սիրիայի դեմ հերթական ագրեսիայի ակտին, սիրիական իշխանությունների կողմից քիմիական զենքի կիրառմանն «ամենավճռական կերպով» պատասխան տալու մտադրության մասին այդ երկրների բարձրագույն ներկայացուցիչների «անհիմն» հայտարարություններն են։

Ըստ ՌԴ ՊՆ տվյալների՝ սադրանքը պատրաստում են «Ջեբհաթ ան Նուսրա» ահաբեկչական խմբավորման անդամները։ Քիմիական հարձակման բեմականացման համար նրանք Ջիսր ալ Շուղուր քաղաք են հասցրել քլորով տարաներ։

Հիշեցնենք, որ այս տարի՝ լույս ապրիլի 14-ին, ԱՄՆ-ն, Մեծ Բրիտանիան ու Ֆրանսիան ավիահարվածներ են հասցրել Սիրիային՝ ի պատասխան Դումա քաղաքում իրականացված քիմիական հարձակման, որի համար Արևմուտքը մեղադրել է սիրիացի զինվորականներին։

Tert.am