Խաչատուրովը դատի է տվել Ստեփան Գրիգորյանին. վիրավորվել է նրա արժանապատվությո՞ւնը

ՀԱՊԿ գլխավոր քարտուղար, Մարտի 1-ի գործով մեղադրյալ Յուրի Խաչատուրովը հայց է ներկայացրել ընդդեմ Գլոբալիզացիայի եւ տարածաշրջանային համագործակցության վերլուծական կենտրոնի նախագահ Ստեփան Գրիգորյանի:

Դատական տեղեկատվական համակարգից տեղեկացանք, որ Խաչատուրովը պատվի եւ արժանապատվությանը պատճառված վնասի հատուցման եւ հերքման պարտավորեցնելու պահանջ է ներկայացրել:

Գործը մակագրվել է դատավոր Տաթեւիկ Ստեփանյանին, վերջինս սակայն օգոստոսի 16-ին հայցը հետ է վերադարձրել հայցադիմումում թույլ տրված խախտումները վերացնելու եւ եռօրյա ժամկետում կրկին դատարան ներկայացնելու համար:

Գործով պատասխանող Ստեփան Գրիգորյանը, սակայն, մեր զրույցում ասաց, որ ներկայացված հայցից տեղյակ չէ եւ որեւէ գրություն չի ստացել:

Մանրամսները՝ Armtimes.com-ում: