Բելառուսում բացահայտել են Ադրբեջանին արված ռազմական մատակարարումները՝ 153 տանկ, 60 զրահամեքենա, 11 կործանիչ

Անկախության տարիներին Բելառուսը և Ադրբեջանն ավելի քան կես միլիարդ դոլարի զենքի առևտրով են զբաղվել։ Այժմ ևս պաշտոնական այցով Մինսկում է Բաքվից ռազմական պատվիրակությունը՝ գլխավոր շտաբի ղեկավար գեներալ-գնդապետ Նաջմեդին Սադիկովի գլխավորությամբ։ Հաղորդում է ադրբեջանական Haqqin.az-ը:

Վերջին տարիներին Ադրբեջանը բելառուսական ռազմական տեխնիկայի հիմնական սպառողն է (որպես կանոն, օգտագործված)։ Լուրջ առաջխաղացում էր բելառուսական «Պոլոնեզ» համազարկային կրակի հրթիռային համակարգի մատակարարումը։ Հարկ է նշել, որ ադրբեջանական կղմը ստացել է բելառուսական համակարգերի նորացված տարբերակը, որը փորձարկվել է նախորդ տարի:

Բաց տվյալների համաձայն՝ 2002-2012-ը Մինսկը ադրբեջանցի զինվորականների 153 T-2 տանկ, 122 միլիմետր տարամաչափով 120 հրետանային Դ-30 համակարգ, 203 մմ տրամաչափի 12 2C7 «Պիոն» հրետանային սարքավորումներ, 60 անվավոր զրահամեքենա և Սու-25 11 կործանիչ է մատակարարել։

Այս հարցում Բաքուն կարևոր գործընկեր է դարձել, որովհետև այդ շրջանում ամենավճարունակ հաճախորդն էր։

Սակայն երկու երկրների հարաբերությունները չեն սահմանափակվել միայն խորհրդային ռազմական տեխնիկա գնելով։ Պաշտպանական համալիրի բելառուսական ձեռնարկությունները ակտիվորեն մոդեռնիզացրել են Ադրբեջանի զինանոցում առկա C-125M «Պեչորա» և 9K33M3 «Օսա-AKM» ԶՀՀ-ները։ Հատուկ ադրբեջանական բանակի համար մոդեռնիզացվել են նաև «Բուք-MБ» ԶՀՀ-ները։

Ընդհանուր առմամբ 10 տարվա ընթացքում բելառուսական կողմը Ադրբեջանի հետ հաագոծակցությունից 500 մլն դոլարի շահույթ է ունեցել: 

Zham.am