Դարյա Ասլամովա. Ինչպե՞ս Ռուսաստանը բաց թողեց հայկական հեղափոխությունը (ձայնագրություն)

«Комсомольская правда» ռուսաստանյան պարբերականում «Ինչպե՞ս Ռուսաստանը բաց թողեց հայկական հեղափոխությունը» հոդված է հրապարակվել, որում Հայաստան այցելած հատուկ թղթակից Դարյա Ասլամովան պատմում է հետհեղափոխական վիճակի մասին երկրում:

«Չնայած ամռանը, ողջ երկիրը եռում է: Ամեն օր ձերբակալություններ, սեփականության առգրավում: Վերջապես: Աշխարհում կա արդարություն: Մարդկանց համակել է վրեժի ծարավը: Պատին են հենել կոռումպացված չինովնիկներին, որոնք 20 տարի թալանում էին երկիրը: Ցնծություն և էյֆորիյա: Ձերբակալվել է նախկին նախագահ Սերժ Սարգսյանի զարմիկը՝ սպանության փորձի մեղադրանքով, երկրորդը գտնվում է հետախուզման մեջ: Քննության տակ են հայտնվել նաև Սերժ Սարգսյանի հարազատ եղբայրները՝ «Սաշիկ 50 %» և նախկին դեսպան Լևոնը: Բերման են ենթարկել նախկին գեներալ Մանվել Գրիգորյանին («Տուշոնկա»)», - գրում է Ասլամովան: 

Հոդվածում նշվում է, որ հեղափոխությունը Հայաստանում բաց է թողել ոչ միայն Ռուսաստանը, այլ բոլորը, անգամ ԱՄՆ-ն:

Դարյա Ասլամովան անրադարձել է նաև ՀՀ վարչապետ Նիկոլ Փաշինյանին: Նա նշում է, որ անգամ Նիկոլ Փաշինյանը չէր պատկերացնում, որ կգա իշխանության, ոչ մեկ չէր պատկերացնում, որ Հայաստանում տեղի կունենա հեղափոխություն: 

Մանրամասները՝ կից նյութում:

Zham.am