Տնտեսությունը զարգացնում է թե՛ մանր և միջին բիզնեսը, և թե՛ հանքարդյունաբերությունը
Այսօր Կառավարության նիստի ժամանակ Նիկոլ Փաշինյանը նշեց, որ կառավարման 100 օրվանից հետո թևակոխում ենք նոր փուլ, որի հիմնական իմաստը բարեփոխումները ֆորսաժի ենթարկելն է: Այս համատեքստում մի շարք հարցերի պատասխաններ պետք է մաքսիմալ արագ ստացվեն:
Առաջի նհերթին խոսքը վերաբերվում է մանր և միջին բիզնեսի զարգացման հեռանկարներին: Ես ինքս ունեմ գումար, և ուզում եմ այն ներդնեմ տնտեսության մեջ, բայց ինձ համար կարևոր է հասկանալ՜ ինչպիսին է լինելու հարկային օրենսգիրքը, ինչպիսին է լինելու վարչարարությունը, շրջանառության հարկը, և ես` որպես ընտանեկան բիզնեսի ներկայացուցիչ, խաղի ինչ կանոններ սպասեմ պետության հետ իմ հարաբերություններում:
Ես կուզենայի, որ վերադարձ կատարվեր պարզեցված հարկի քաղաքականությանը: Ինչ է ուզում անել Կառավարությունը, ինձ համար դեռ պարզ չէ: Բացի մանր և միջին բիզնեսից կարևոր է նաև տնտեսության զարգացման հիմնական ճյուղեր հանդիսացող ոլորտներում խաղի կանոնների հաստատումը: Կառավարությունը արագ և հստակ պատասխան պետք է ձևակերպի. պե՞տք է արդյոք Հայաստանին հանքարդյունաբերությունը, թե՞ չէ, իսկ եթե այո, հստակ կանոններ սահմանի առաջին հերթին անվտանգ հանքարդյունաբերություն ծավալելու հարցում:
Այս առումով Կառավորությունից հստակ մեսիջ կլինի այն, որ մոտակա օրերի ընթացքում Կառավարությունը թույլ տա Ամուլսարի աշխատակիցներին վերադառնան իրենց բնականոն գործին, և հանքը վերջապես սկսի աշխատել` պետությանը, կազմակերպությանը, աշխատակիցներին և անհատին շահույթ բերելով, բայց վտանգի տակ չդնելով մեր բոլորիս առողջությունը և բնությունը:
Արմեն Միքայելյանի ֆեյսբուքյան էջից
Հետևեք մեզ Facebook-ում