Շարունակվում է վարչապետի այցը Տավուշի մարզ. Փաշինյանը ամրագրեց նոր՝ Այգեհովիտի սինդրոմ (տեսանյութ)

Շարունակվում է վարչապետ Նիկոլ Փաշինյանի այցը Տավուշի մարզ:

«Մարզի հետ կապված ամենակարևոր առաջնահերթությունը Ջուջևան - Նոյեմբերյան ճանապարհահատվածի նորոգումն է, քանի որ դա խոչընդոտ է հանդիսանում զբոսաշրջության համար։ Մենք առաջնահերթ կզբաղվենք այն համայնքների ճանապարհներով, որտեղ անհրաժեշտ է քաջալերել աշխատանքը, որտեղ ինչ-որ տնտեսություն է սկսում աշխատել, որտեղ մարդկանց մտածողության մեջ փոխվել է մտածելակերպը, որ պետք է չաշխատել և նպաստ ստանալ, այլ պետք է աշխատել՝ նպաստ ստացողի ցուցակից դուրս գալու համար։ Աղքատության հաղթահարումը կառավարության առաջնահերթություններից մեկն է, բայց դա մենք պատկերացնում ենք ոչ միայն մարդկանց սոցիալական աջակություն ցուցաբերելով, այլ՝ քաջալերելով, որպեսզի մարդիկ հնարավորություն ունենան իրենց աշխատանքով աղքատությունը հաղթահարել»,- Իջևան քաղաքում մարզպետարանի աշխատակազմի հետ հանդիպման ժամանակ նշել է Նիկոլ Փաշինյանը։

Իջևան քաղաքում ելույթ ունենալով տղի բնակիչների առաջ վարչապետ Նիկոլ Փաշինյանը զարմանք հայտնեց, որ մարդիկ դժգոհում են աշխատանք չլինելուց, մինչդեռ աշխատանք կա, բայց աշխատող չկա:

«Վերջերս մենք այդ խնդրին բախվեցինք գյուղատնտեսության ոլորտում խնդիրների քննարկման մի խորհրդակցության ժամանակ: Երբ-որ խոսք էր գնում այն մասին, երբ գյուղատնտեսության նախարարը ասում էր, որ տեղ-տեղ բերքահավաքի հետ կապված խնդիրներ կան, որովհեև չկան մարդիկ, ովքեր կգան աշխատանքի կընդուվեն և մասնակցե բերքահավաքի, որոշ տեղերում նման խնդիր կա: Ես, անկեղծ ասած, զարմացա, ասացի՝ ինչպես է, որ երկրում մարդիկ համատարած բողոքում են, որ աշխատատեղերի բացակայությոնից և ունենք աշխատատեղեր որոնք թափուր են: Լսեցի մի պատասխան, որն ինձ ցնցեց՝ ասում է՝ գանք աշխատենք երեք ամիս, չորս ամիս, որ ախքատության նաստից զրկվենք... - փաստեց վարչապետը: - Այդ սինդրոմի անունը յդ գյուղի անունով կդնենք, հույս ունեմ, մեր սիրելի այգեհովիտցիները չեն նեղանա, որ ադ երևույթ անվանենք Այգեհովիտի սինդրոմ»: 

Վարչապետը պարզաբանեց, որ երկար տարիներ Հայաստանում տարվող քաղաքականության արդյունքում աղքատությունը և աղքատության նպաստը որոշ դեպքերում ավելի գերադասելի է, քան աշխատանքը ու աշխատանքով վաստակելը:

«Մեր հերոսները պետք է լինեն ոչ թե նրանք, ովքեր իշխանության, որևէ իշխանության համար ընտրություն են կեղծում, այլ նրանք, ովքեր ուրիշների համար իրենց քրտինքով՝ առանց հովանավորության, առանց մոնոպոլիաների, առանց ծանոթ-բարեկամի աշխատատեղ ու տնտեսություն են ստեղծում։ Եվ մեր ուղերձը մարդկանց մեկն է․ մենք չենք ասում՝ դուք աղքատացեք, իշխանությունը հարստանա, մենք մարդկանց ասում ենք՝ իշխանությունը ստեղծելու է բոլոր պայմանները, որ դուք հարստանաք և հարստացնեք ձեր երկիրը», - ասաց վարչապետը: