Նախագահի լիազորություններից բխոող գործողությունները չեն կարող ենթադրել պատասխանատվություն․ Դավիթ Հարությունյան․ Տեսանյութ
Արդարադատության նախկին նախարար, հանրապետական Դավիթ Հարությունյանը չի ցանկանում իրավական գնահատական տալ Ռոբերտ Քոչարյանի շուրջ կատարվողին, քանի որ, որպես իրավաբան, նա հարուցված գործում որևէ իրավական ձևակերպում չի գտնում։ Այս մասին այսօր Ազգային ժողովում լրագրողների հետ զրույցում ասաց նա՝ պնդելով, որ ինքը նույն տեսակետն ունի նաև ՀՀ պաշտպանության նախկին նախարար Միքայել Հարությունյանի հետ կապված։
«Մեր օրենքները, եթե կարդանք, պարզ կլինի, որ մեր երկրի անվտանգությունը ունի թե՛ ներքին, թե՛ արտաքին բաղադրիչ, և այդ առումով բանակի օգտագործումը թույլատրելի է նման իրավիճակում»,- ասաց նա։ Ըստ Դավիթ Հարությունյանի՝ Սահմանադրությունը հստակ սահմանում է, թե նախագահը ինչ լիազորություններ և գործիքակազմ ունի, իսկ արտակարգ դրություն հայտարարելը գործիքակազմ է, որով նա պարտավոր է ապահովել ՀՀ անվտանգությունը և հետևաբար, նախագահի լիազորություններից բխող գործողությունները չեն կարող ենթադրել պատասխանատվություն։
Մանրամասները՝ Factor.am-ի տեսանյութում:
Հետևեք մեզ Facebook-ում