Պարոն Օսիպյան՝ մի հատ լավ թափ տվեք Ձեզ. Հայկ Բարսեղյան. Տեսանյութ

«Սոս» հաղորդաշարի հեղինակ Հայկ Բարսեղյանը ֆեյսբուքյան էջի միջոցով խոսել է Դիլիջանի ազգային պարկում տեղի ունեցող միջադեպերի մասին՝ զուգահեռ անդրադառնալով այն հանգամանքին, որ կառավարությունը բարեխիղճ չի աշխատում:

Հայկ Բարսեղյանը իր մտահոգություն է հայտնել առ այն, որ բնապահպանական գործողություններ իրականացնելիս ստացվել է այնպես որ քաղաքացիները ծեծի են ենթարկվել, իսկ ոստիկանությունը դեպքի վայրում լինելով որևէ կերպ չի միաջամտել: Վերջինս առկա խնդրիների կապակցությամբ բազմիցս զանգել է կառավարության աշխատողների, և խնդրին նույնպես լուծում չի տրվել:

«Մենք տրամադրված էինք, թե ի՞նչ անենք, որպեսզի անտառները պահպանվեն, ծառեր չհատվեն, իսկ կառավարությունում բնապահպանության նախարարությունը չգիտեմ ինչով է զբաղված, ոստիկանությունը չգիտեմ ինչով է զբաղված:

Մարդկանց ծեծում են ոստիկանների ներկայությամբ:

Հայաստանի անտառային տնտեսության պահպանման գործում կառավարությունը թերանում է»,- հայտնել է Հայկ Բարսեղյանը, ասելով նաև որ ցանկանում է՝ հոլովակը այնքան տարածվի, որ խնդրի մասին տեղեկանան և արձագանքեն փոխվարչապետ Տիգրան Ավինյանը, Արարատ Միրզոյանը, և ՀՀ վարչապետ Նիկոլ Փաշինյանը:

«Խնդիրը այն է, որ անտառների պահպանման համար մենք պետք է համակարգը փոխենք, և մենք որոշել էինք, որ Դիլիջան Ազգային պարկի օրինակով փոխել ամբողջ Հայաստանի անտառային տնտեսության ձևը, համակարգը: Այնպես անեինք, որ կաշառքը դուրս գար, մաֆիան դուրս գար, և այն փչացած փայտը, որն այլևս պետք չէ, հասներ գյուղացուն նորմալ քանակությամբ, անտառն էլ պահպանվեր:

Փաստորեն ինչ է ստացվել, մեր կամավորները, ջահել տղաները իրենց կյանքն ու առողջությունը ռիսկի տակ դնելով գնում են անտառները հսկելու, իսկ ոստիկանությունը, բնապահպանության նախարարությունը, կառավարությունը մինչև էս պահը պատշաճ չի վերահսկել իրավիճակը: 

Մեր տղերքն իրենք անելիքը արել են, կառավարությունը չի արել»: 

Մանրամասները տեսանյութում: