Nas Daily -ի հերթական տեսանյութը՝ Հայաստանի մասին. Վայր, որտեղ գրավիտացիան չի գործում

Հայտնի բլոգեր, միլիոնավոր հետևորդներ ունեցող Nas Daily-ն հրապարակել է Հայաստանի մասին պատմող հերթական տեսանյութը: «Այն վայրը, որտեղ գրավիտացիան չի գործում» վերնագրով տեսանյութում բլոգերը ներկայացրել է Արագած լեռան մի հատվածը:

Nas Daily-ն  Հայաստանում է հուլիսի 14-ից:

Հիշեցնենք, որ ավելի վաղ հրապարակած տեսանյութերում Nas Daily-ն պատմել էր հայկական ցայտաղբյուրների, շախմատի ու անվաչմշկորդ Լևոնի մասին:

Բլոգերն ունի 7 մլն-ից ավելի հետևորդ: Նա 7-10 օր անցկացնելու է Հայաստանում և նկարահանելու է տեսանյութեր:

Ինչպես տեղեկացնում է «Արմենպրեսը», բլոգերի այցը Հայաստան իրականացվել է Քաղաքացիական ավիացիայի կոմիտեի և Զբոսաշրջության պետական կոմիտեի նախաձեռնությամբ: