Ինչպես խուսափել անոթային խնդիրներից ամռանը. անոթային վիրաբույժ Գալուստ Բարաղամյան

Ամռան ամիսներին ոտքերն այտուցվում են նույնիսկ առողջ մարդու մոտ, իսկ անոթային խնդիրներ ունեցողների համար ստորին վերջույթների վարիկոզը և ոտքերի այտուցը վերածվում են լուրջ խնդրի։ Ահա մի քանի խորհուրդներ, որոնք կնվազեցնեն բարդությունների առաջացման հավանականությունը․
. Խուսափեք օրվա շոգ ժամերին (11:00-16:00) դրսում գտնվելուց, առավել ևս արևի ուղիղ ճառագայթներից։
. Աշխատեք օգտագործել շատ հեղուկ՝ 2,5-3 լիտր (ցանկալի է ոչ գազավորված ջրեր և հյութեր) պահելով օրգանիզմի ջրային բալանսը:
. Խիստ անցանկալի է ալկոհոլային խմիչքների ինչպես նաև ծխախոտի օգտագործումը, քանզի դրանք խթանում է թրոմբի առաջացմանը։
. Թեթև սնվեք, օգտագործելով շատ բանջարեղեն և մրգեղեն: Սննդակարգում սահմանափակեք կենդանական ճարպերի քանակը։
. Երար ժամանակով մի կրեք բարձրակրունկ ինչպես նաև սեղմող կոշիկներ։
. Խուսափեք երկար ժամանակ մի դիրքում լինելուց, իսկ եթե գործի բերումով ստիպված եք ապա կրեք էլաստիկ տրիկոտաժ։ Էլաստիկ տրիկոտաժը ցուցված է նաև երկար (ավիո կամ ավտո) ճանապարհորդության ժամանակ։
. Երեկոյան ոտքեը լվացեք և թեթևակի մերսեք հետևյալ կերպ. 5-6 անգամ տաք ջուրը(39–40 °C) փոխեք սառով(15–16 °C) և հակառակը ( հարկ է պահպանել կոփման հիմնական կանոնը. սառը ջրին հարկ է սովորել աստիճանաբար և տաք ջրում ոտքերը պահել 3 րոպե իսկ սառում՝ 1):
. ՄԻ մոռացեք ֆիզիական ակտիվության կարևորության մասին, զբաղվեք սպորտով։ Լողը, քայլելը, ջրային աերոբիկան, հեծանվասպորտը կօգնեն հաղթահարել արյան կանգային երևույթները, կամրացնեն երակների պատերը։

Առողջ եղեք՛ և վայելե՛ք ամառը։

Անոթային վիրաբույժ Գալուստ Բարաղամյանի ֆեյսբուքյան էջից