Թիրախում է Մհեր Սեդրակյանի վերահսկողության տակ գտնվող տախտակի շուկան
«Հայկական ժամանակ» թերթը գրում է. «Իշխանական վերնախավում քննարկվել է մի քանի ապրանքների շուկաները վերաձևելու տարբերակներ: Վերաձևման ենթակա «ամենահամեղը» տախտակի շուկան է, որը արդեն տարիներ շարունակ գտնվում է Մհեր Սեդրակյանի վերահսկողության տակ:
Ոչ մի տնտեսվարող չի կարող տախտակ ներկրել վաճառքի համար: Առավելագույնը, որ «թույլատրված է», կարելի է տախտակ ներկրել սեփական կարիքների համար և ոչ ավելին: Այս ապրանքի բիզնեսը գերեկամտաբեր է: ՌԴ-ում, որտեղից հիմնականում ներկրվում է տախտակը, այն 2-2.5 անգամ ավելի էժան է, քան Հայաստանում: Ընդ որում, Հայաստան ներկրվող տախտակի մի փոքր մասն է միայն պաշտոնապես արձանագրվում: Մեծագույն մասն ունի ստվերային շրջանառություն:
Չի բացառվում, որ այս շուկան վերաձևելու «գաղափարը» ծնվել է հենց այն ժամանակ, երբ լուրեր տարածվեցին, որ Մհեր Սեդրակյանի հարաբերությունները Սերժ Սարգսյանի հետ վատացել են, և Սեդրակյանը կարող է ՀՀԿ-ի համար ոչ այնքան ջանասիրաբար աշխատել նախընտրական փուլում»:
Հետևեք մեզ Facebook-ում