Այս ընտրությունների ժամանակ հնարավոր են ֆորս մաժորներ. Ս. Դանիելյան (Տեսանյութ)

Ընդամենը մի քանի ամիս է մնացել խորհրդարանական ընտրություններին, սակայն հասարակության մոտ լուրջ սպասելիքներ չկան դրանցից: Այսպես է կարծում «Համագործակցություն հանուն ժողովրդավարության» հասարակական կազմակերպության նախագահ, քաղաքագետ Ստեփան Դանիելյանը:

«Հանրության մեջ ընտրությունների մասին խոսակցություններն առաջին պլանում չեն գտնվում: Առաջին հերթին երևի իրենց սոցիալական դժվարություններն են, որոնք իրենք չեն կապում այդ ընտրությունների հետ: Ցավոք սրտի դա այդպես է, և դրա պատճառը գուցե նաև այն է, որ Հայաստանում արդար ընտրությունների նկատմամբ վստահություն չկա»:

Ապրիլյան քառօրյա պատերազմից հետո շատերի կարծիքով Լեռնային Ղարաբաղի մասին հարցը պետք է դառնար հասարակության և քաղաքայկան ուժերի համար կարևորագույն խնդիր: Ստեփան Դանիելյանը կարծում է, որ Լեռնային ղարաբաղի հարցն արդեն 30 տարի է մեր օրակարգում է և մարդիկ չեն կարող ամեն օր դրա մասին մտածել: Իհարկե, դրա կարևորությունը բոլորն էլ հասկանում են՝ թե´ հասարակությունը, թե´ քաղաքական ուժերը: Սակայն վերջիններս մոտ այդ հարցը չի դառնում քարոզչության մեխ:

Շարունակությունը՝ Zham.am-ի տեսանյությում

Լուսանկարը՝ Panarmenian-ի