Սերժ Սարգսյանն չի արել այնպիսի բան, որ հերթն իրեն էլ հասնի. Շարմազանովը՝ ստուգումների մասին (Տեսանյութ)

Ես չեմ կարծում, որ Սերժ Սարգսյանն արել է մի բան, որ հերթն իրեն կարող է հասնել: Այս մասին, այսօր՝ հունիսի 26-ին, լրագրողների հետ զրույցում նշել է ԱԺ փոխնախագահ, ՀՀԿ մամուլի քարտուղար Էդուարդ Շարմազանովը՝ անդրադառնալով հարցին, թե հնարավո՞ր է՝ ԱԱԾ-ի ստուգումները հասնեն նաեւ Սերժ Սարգսյանին:

«Բացի լավ բանից, բացի Արցախի շահը պաշտպանելուց այս տարիների ընթացքում պարոն նախագահը չեմ կարծում, որ որեւէ խնդիրների մեջ եղած լինի: Սա իմ անձնական կարծիքն է»,-ասաց նա:

Հարցին, թե այդ դեպքում՝ ինչո՞ւ հեղափոխություն եղավ, Շարմազանովը պատասխանեց. «Որովհետեւ դուք այդպես ուզեցիք: Այսինքն հասարակությունը: Բոլոր երկրներում էլ կարող է լինել: Ինչու եղավ, ինչու չեղավ, հիմա դեռ շատ շուտ է դրա մասին խոսելը: Տարբեր վերսիաներ կարող են լինել, լավ եղավ, թե վատ եղավ, դա էլ ապագան ցույց կտա: Աստված տա՝ ամեն ինչ լավ լինի եւ մեր ժողովուրդը երբեք հիասթափություն չապրի: Ամենավատ բանը հիասթափությունն է»:

Մանրամասները՝ NEWS.am-ի տեսանյութում: