«Երեւան» հիմնադրամի նվիրատուների ցանկը չներկայացնելու համար ՊԵԿ-ը վարույթ է հարուցել
«Երեւան» հիմնադրամի նվիրատուների ցանկը չներկայացնելու համար ՊԵԿ-ը վարույթ է հարուցել: Այս մասին Facebook-ի իր էջում գրել է ԱԺ «Ելք» խմբակցության պատգամավոր Լենա Նազարյանը:
Նա, մասնավորապես, գրել է.
«Նորից «Երեւան» հիմնադրամի մասին:
Երբ հեղափոխությունից առաջ ՊԵԿ-ին խնդրեցի տրամադրել «Երեւան» հիմնադրամի նվիրատուների ցանկը, պարզվեց, որ հիմնադրամը չի կատարել ՊԵԿ նախագահի հրամանը եւ չի տրամադրել այդ տեղեկությունը:
Այն ժամանակ ՊԵԿ-ը ոչ միայն վարչական վարույթ չհարուցեց այս խախտման կապակցությամբ, այլ նաեւ փոխեց ՊԵԿ-ի հրամանը, որպեսզի այդ տվյալները համարվեն անձնական գաղտնիք եւ փակ լինեն հանրության համար:
Այսօր ստացա հետհեղափոխական ՊԵԿ-ի պատասխանը, որտեղ ասված է, որ տեղեկություններ չտրամադրելու կապակցությամբ հարուցվել է վարչական վարույթ եւ նաեւ փոփոխություն է կատարվել ՊԵԿ նախագահի հրամանում` նախատեսելով հիմնադրամների կողմից հրապարակվող հաշվետվություններում ֆինանսավորողների խմբի արտացոլման ձեւաչափ»:
Հետևեք մեզ Facebook-ում