Զգացմունքային պահեր՝ ձերբակալությունից առաջ. Մանվել Գրիգորյանը ցանկացել է վերջին անգամ տեսնել կրտսեր որդուն
«Ժողովուրդ» թերթը գրում է. «ԱԺ պատգամավոր, գեներալ Մանվել Գրիգորյանի ձերբակալությանը բավական զգացմունքային պահեր են նախորդել: «Ժողովուրդ» օրաթերթին հայտնի դարձավ, որ ձերբակալության օրը՝ հունիսի 16-ին, Մանվել Գրիգորյանը երկար ժամանակ եղել է ԵԿՄ-ի բաժանմունքում, և այդ ընթացքում նրա մոտ պարբերաբար մարդիկ են մտել և դուրս եկել, այդ թվում ՀՀԿ խմբակցության ղեկավար Վահրամ Բաղդասարյանը, իսկ մեկ այլ պատգամավոր՝ Սեյրան Սարոյանը, նրա հետևից անգամ ԱԱԾ էր եկել:
Սակայն երբ արդեն ԱԱԾ-ն Գրիգորյանին հրավիրել է իր հետ գնալու, ասել է թե՝ հայտարարել է ձերբակալության մասին, գեներալը ցանկություն է հայտնել վերջին անգամ տեսնել և հրաժեշտ տալ իր փոքր որդուն՝ Վազգենին:
Եվ ահա Գրիգորյանի՝ շենքից դուրս գալուց րոպենե առաջ Վազգենին ուղեկցել են հոր մոտ: Նրանք սենյակում մի քանի րոպե առանձին են մնացել, որից հետո Վազգենը դուրս է եկել, մի քանի րոպե անց արդեն ԱԱԾ-ականների ուղեկցությամբ շենքից դուրս է եկել նաև Մանվել Գրիգորյանը»:
Առավել մանրամասն՝ թերթի այսօրվա համարում:
Հետևեք մեզ Facebook-ում