Պետական վերահսկողական ծառայությունը ստուգումները սկսելու է ՊՆ-ից. Դավիթ Սանասարյան (Տեսանյութ)

ՀՀ պետական վերահսկողության ծառայության ղեկավար Դավիթ Սանասարյանն այսօր կառավարության նիստից հետո լրագրողների հետ զրույցում ասաց, որ առայժմ կառուցվածքային խնդիրներ են լուծում, իսկ դրանից հետո կսկսեն աշխատանքները:

Նրա խոսքով՝ ծառայությունը վերահսկողական առաջին ու հիմնական լիազորությունները իրականացնելու է Պաշտպանության նախարարությունում:

Հարցին, թե եթե ՊՆ-ում նախկինում կատարված չարաշահումներ բացահայտվեն, արդյոք այդ առումով պատասխանատվության իր բաժինը չի ունենալու ներկայիս նախարարը, որը նախկինում եղել է Պաշտպանության փոխնախարար Դավիթ Սանասարյանն ասաց, որ Դավիթ Տոնոյանի հետ որևէ խնդիր չունեն:

«Եթե այս փոփոխություններից հետո պետք է նայենք, որ այս նախարարը մեր ընկերն է, բարեկամն է, ապա ինչի՞ համար են այս փոփոխությունները, եթե իմ հեղափոխական ընկերների կառույցներում կլինեն թերացումներ, օրինախախտումներ, ապա իմ ընկերները ավելի մեծ պատասխանատվություն ունեն, քան մյուսները», - նշեց Դ. Սանասարյանը:

Նա ընդգծեց, որ ապրիլյան պատերազմին Դավիթ Տոնոյանը անում էր արտաքին գործերի նախարարի գործը:

Մանրամասները՝ Zham.am-ի տեսանյութում:

Zham.am