Պայթյուն ֆրանսիական ԱԷԿ-ում. ռեակտորը կանգնեցվել է (տեսանյութ)

Ֆրանսիայի «Ֆլամանվիլ» ԱԷԿ-ում պայթյուն է որոտացել: Պայթյունի հեռևանքով հրդեհ է բռնկվել: Կանգնեցվել է երկու հիմնական ռեակտոներից մեկը: Հինգ մարդ պայթյունի հետևանքով թեթև թունավորում է ստացել: Ծանր վիրավորներ չկան:

Ռադիոակտիվ նյութերի ու արտահոսքի ռիսկեր չկան, վստահեցնում են մասնագետները:

Դեպքի վայր է ժամանել արտակարգ ծառայությունների ներկայացուցիչը, հաղորդում է «ՌԻԱ Նովոստի»-ն: 

Ֆրանսիական ԱԷԿ երկու ռեակտոր ունի: Այն գտնվում է  Ֆրանսիայի հյուսիս-արևելքում:

Պայթյունը տեղի է ունեցել երրորդ էներգոբլոկի շինհրապարակում: Պատահարի պատճառը՝ տեխնիկական անսարքությունն է: 

Ֆրանսիայի «Ֆլամանվիլ» ԱԷԿ-ը տեղակայված է Լա Մանշ նեղուցի աջ ափին: Երկու ռեակտորները յուրաքանչյուրը 1.3 մեգավատ հզորություն ունի: Ռեակտորները շահագործման են հանձնվել 1986 և 1987 թթ.: Ներկայում ԱԷԿ-ում կատարվում է երրոդ էներգաբլոկի կառուցումը:  Դրա շահագործումը նախատեսվում է 2018 թվականին:

Zham.am