Առողջապահության նախարարն ու կրթության նախարարի տեղակալները ֆեյսբուքում քննարկում են իրենց տրվող աշխատավարձի չափը (Ֆոտո)

Հեղափոխական դեգրադացիայի առաջին պտուղներն են։ Սա արդեն աբսուրդի թատրոն է։ Առողջապահության նախարարն ու կրթության նախարարի տեղակալները, իրենց ոլորտները դորդուբեշ արած, ֆեյսբուքում քննարկում են հարկատուների կողմից իրենց տրվող աշխատավարձի չափը։

Անկեղծ ասած, անդաստիարակ երեխաների տպավորություն են թողնում։ Նախ, Հով ջան-մով ջանով հրապարակային լկստվելը պետական պաշտոնյային սազական չէ, և հետո այնպես են իրենց դերը կարևորում, կարծես ՆԱՍԱ-ում դեպի Մարս թռիչքի պատասխանատուներն են։ Դեռ շոշափելի մի բան չարած՝ փող են պահանջում, փառքուպատիվ են պահանջում։ Պատկերացնու՞մ եք, հեղափոխական Ֆիդելն ու Չէն նման բան անեին կամ ասենք՝ Տրոցկին, Զինովևն ու Կամենևը։ Էլ չասած Գանդին, որ գետնին էր քնում։

Իսկ ծիծաղելին քննադատությանը «դեղին մամուլ» անվանելն է(Հայկական ժամանակի ականջը խուլ)։ Ֆեյքերով ու ֆեյք լուրերով իշխանության են եկել, համատարած լավին ու վատին ամբողջ կյանքում վատ են ասել, հիմա քննադատությանը «դեղին մամուլ» են ասում՝ պահանջելով փող և այլակարծության իսպառ բացակայություն։

Եթե այս արժեհամակարգով մարդիկ են մեզ բուժելու և կրթելու, ապա ավելի լավ է օր առաջ մի բուռ հող ուտենք, մեռնենք։ Պարոն վաչապետ, կաթը շուրթերին չչորացած էս անմեղսունակներին որտեղի՞ց եք գտել։ Դուք պառլամենտում ֆիլմից մեջբերում էիք անում՝ «Войско взбунтовалось, говорят царь не настоящий»։ Նույն ֆիլմից մի մեջբերում էլ անենք հատուկ Ձեր կառավարության համար՝ «Вот Вы говорите: "Царь, царь"... А Вы думаете, нам царям легко? У всех трудящихся два выходных дня в неделю, а мы, цари, работаем без выходных. Если хотите знать, нам царям за вреднось надо молоко безплатно давать...»։

Ռոբերտ Ավագյանի ֆեյսբուքյան էջից