ՀՀԿ-ի մեծ մասը դեմ կքվեարկի կառավարության ծրագրին. Էդուարդ Շարմազանով

Քիչ առաջ մեկնարկեց ԱԺ հատուկ նիստը, որտեղ քննարկվում է կառավարության նոր ծրագիրը: Այս նիստին ներկա է 92 պատգամավոր:

ՀԺ-ի հարցին, թե ՀՀԿ-ն ինչպես է քվեարկելու կառավարության ծրագրին, ԱԺ փոխնախագահ Էդուարդ Շարմազանովն ասաց, որ հնարավորություն են տալու, որ կառավարության ծրագիրն ընդունվի.

Իսկ թե ովքեր կողմ կքվեարկեն, ովքեր՝ դեմ, Շարմազանովն ասաց, որ դա խմբակցության ղեկավար Վահրամ Բաղդասարյանի լիազորություններն են, նա կասի: Մեր մյուս հարցին` ականատես կլինե՞նք այն սցենարին, ինչ եղավ վարչապետի ընտրության ժամանակ, այսինքն՝ քաղաքական թեւը դեմ կլինի, իսկ գործարարը՝ կողմ:

«Քաղաքական, ոչ քաղաքական, այդպիսի բան չկա, այստեղ բոլորն էլ քաղաքական են, հնարավորություն ենք տալու՝ կառավարության ծրագիրն ընդունվի: Ամեն ինչ ճշտված է, նորմալ է: Ականատես կլինեք, որ մեծ մասը դեմ կքվեարկի, մի մասն էլ կողմ կքվեարկի»:

Մանրամասները՝ Armtimes.com-ում: