Քիմ Քարդաշյանը մրցանակի է արժանացել Ամերիկայի մոդելյերների խորհրդի կողմից (լուսանկարներ)

Ամերիկայի մոդելյերների խորհուրդը կազմակերպել է ամենամյա նորաձևության մրցանակաբաշխությունը (CFDA Fashion Award), որին ներկա է եղել ամերիկահայ հեռուստաաստղ Քիմ Քարդաշյանը:

Ինչպես նշում է Daily Mail-ը, Նյու Յորքի Բրուքլինի թանգարանում կազմակերպված միջոցառմանը Քարդաշյանը ներկայացել է ճերմակ կարճ տոպով ու երկարափեշ կիսաշրջազգեստով:

Աղբյուրը նկատում է, որ Քարդաշյանի ընտրած հագուստը եղել է համեմատաբար զուսպ, բայց սեքսուալ մարմինն ընդգծող:

Հայտնի է, որ երեկոյի ընթացքում Քարդաշյանը հատուկ մրցանակի է արժանացել նորաձևության և էսթետիկ գեղեցկության ու խնամքի ոլորտներում տարբեր բրենդներ ունենալու համար:

«Ճիշտն ասած՝ ինձ համար շոկ է նորաձևության ասպարեզում մրցանակի արժանանալը, քանի որ կայքերը գրում են, որ ես միշտ մերկ եմ ներկայանում»,- կատակել է Քարդաշյանը:

Աղբյուրը՝ Tert.am