Կառավարության ծրագրին քվեարկելու հնարավորությունը 50-50 տոկոս է (Տեսանյութ)

E-Gov.am կայքում հունիսի 1-ին հրապարակվել է ՀՀ կառավարության ծրագրի նախագիծը։ 

Կառավարության ծրագրում ամրագրված է, որ կոռուպցիայի դեմ պայքարը լինելու է գործադիրի առաջնահերթություններից մեկը: Այսօր մամուլի ասուլիսում տնտեսագետ Ատոմ Մարգարյանը եւ Գործատուների միության նախագահ Գագիկ Մակարյանը խոսեցին կառավարության ծրագրի մասին:

Տնտեսագետ Ատոմ Մակարյանի խոսքով՝ կառավարության ծրագիրն առաջացել է հեղափոխակա իրավիճակի հետեւանքով: «Իր բնույթով մարտահրավեր է խորհրդարանական մեծամասնությանը: Սա պառլամենտական կառավարության ծրագիր է, որտեղ առաջին պլանում են առողջապահությանը, սոցիալական ոլորտը, մարդու իրավունքները: Այսինքն՝ այն, ինչ առնչվում է մարդուն, առաջին տեղում է»,- ասաց Ատոմ Մարգարյանը:

Ինչ վերաբերում է ցուցանիշների բացակայությանը, այն շոկային է: Դժվար է ասել, թե մինչեւ ուր կտանեն այս բացահայտումները: «Ժամկետային սահմանափակումը՝ մեկ տարում անցկացնել ընտրություններ, հնարավորություն չի տալիս հստակ գնահատել՝ որքանով կաճի ՀՆԱ-ն, գնաճը, աղքատության ցուցանիշը»,- ասաց Ատոմ Մարգարյանը:

Տնտեսագետի խոսքով՝ մեր տնտեսության ստվերը 20-22% է, բայց թե ինչքան ժամանակում կբացվի այդ խնդիրը, դժվար է ասել: «Այս ծրագրին քվեարկելու հնարավորությունը 50-50 տոկոս է»,- ասաց բանախոսը:

Մանրամասները՝ Zham.am-ի տեսանյութում: