Արտահերթ ընտրություններ լավագույն դեպքում տեղի կունենա 2019 թվականին. կառավարությունը ևս չի բացառում
Հակառակ շատերի սպասումների, Ազգային Ժողովի արտահերթ ընտրություններ տեղի չեն ունենա այս տարվա ընթացքում: Գործադիր իշխանությունը առաջին հերթին կանգնած է տեխնիկական խնդիրների առաջ, որոնց լուծման համար դեռևս ամիսներ կպահանջվեն: Կառավարությունը չի հասցնի մինչ հունիսի 7-ը, երբ ԱԺ-ում կքննարկվի գործադիրի ծրագիրը, ներկայացնել Ընտրական Օրենսգրքի նախագիծ, իսկ հունիսի 7-ից հետո ԱԺ-ում քվորում չի լինի ու հետևաբար չի կարող որևէ հարց քննարկվել:
Կառավարությունը խնդիրներ ունի նաև Վենետիկի հանձնաժողովի հետ: Գործող ԸՆտրական օրենսգիրքը ՀՀԿ-ականները տարիներով համաձայնեցրել են այդ հանձնաժողովի հետ ու հիմա Փաշինյանի կառավարությունը դժվար կարողանա հաշվի չառնել նրանց տեսակետները և առանց նրանց գնահատականի նախագիծ ներկայացնել: Իհարկե տեսականորեն նոր կառավարությունը կարող է առանց Վենետիկի հանձնաժողովի նախագիծ ներկայացնել ու ժողովրդի ճնշման տակ ստիպել ՀՀԿ-ականներին կողմ քվեարկել դրան, բայց այդ դեպքում Եվրոպական երկրների կողմից կասկածի տակ կդրվի ընտրության արդյունքները, իսկ որ ամենակարևորն է եվրոպական որևէ կառուց փող չի տա, որպեսզի կառավարությունը արտահերթ ընտրություններ անցկացնի:
Այս մտահոգությունները կարծես հասկացել են նաև Փաշինյանի կառավարությունում և հենց այս էր պատճառը, որ կառավարությունն իր ծրագրում արձանագրեց, որ ընտրությունները տեղի կունենան մեկ տարվա ընթացքում, այսինքն իրենք էլ պաշտոնապես հաստատեցին, որ ընտրությունները կարող է տեղի ունենալ նաև 2019 թվականին:
Հետևեք մեզ Facebook-ում