Գագիկ Ծառուկյանը չի՞ վախենում ԱԱԾ-ի ստուգումներից. Տեսանյութ

ՀՀԿ-ին մոտ կանգնած աղբյուրների համաձայն, Սամվել Ալեքսանյանի օբյեկտներում ԱԱԾ-ի վերջին ստուգումները լուրջ մտահոգություն են առաջացրել ՀՀԿ-ին մոտ կանգնած օլիգարխների շրջապատում: 

Արտակ Սարգսյանը՝ ՍԱՍ-ի Արտակը, Միհրան Պողոսյանը, Արկադի Համբարձումյանը և մյուսները որևէ երաշխիք չունեն, որ մի օր էլ ԱԱԾ-ն չի մտնի իրենց օբյեկտներ՝ ստուգման, քանզի այլևս ՀՀԿ-ն իշխող ուժ չէ, և նրանց համար այլևս չի հանդիսանում որպես քաղաքական տանիք: 

Սակայն իրենց հանգիստ չեն զգում նաև ԲՀԿ-ին մոտ կանգնած գործարարները, թեև այս փուլում դժվար թե ԱԱԾ-ն մտնի իրենց օբյեկտներ:

Նույնը կարելի է ասել Գագիկ Ծառուկյանի մասին: Սակայն մամուլում քննարկվող այս թեման խիստ նյարդայնացնում է Գագիկ Ծառուկյանին, և առիթը բաց չթողնելով, այսօր նա հրապարակավ պատասխանեց այս հարցադրումներին՝ նշելով, որ ինքն այս հարցում մտահոգություն չունի:

Սակայն շատերը հասկանում են, որ այսօր մտահոգություն չունի, քանզի նոր իշխանությունների առաջնային խնդիրը ՀՀԿ-ի կազմաքանդումն է և այդ կառույցին կից օլիգարխներին քաղաքական տանիքից տարանջատումը:

Արտակ Հակոբյան