Մենք միշտ զգացել ենք Ֆրանսիայի աջակցությունը. Զոհրաբ Մնացականյան. Տեսանյութ
ՀՀ ԱԳ նախարար Զոհրաբ Մնացականյանի հրավերով, պաշտոնական այցով Հայաստան է ժամանել Ֆրանսիայի` Եվրոպայի և արտաքին գործերի նախարար Ժան-Իվ Լը Դրիանը։
ԱԳ նախարարների հանդիպմանը հաջորդում է մամուլի ասուլիս:
Մայիսի 28-ին Երևանում ՀՀ ԱԳ նախարար Զոհրաբ Մնացականյանի հետ համատեղ ասուլիսի ժամանակ նա տեղեկացրեց, որ պատրաստվում է այցելել Հայաստանում Ֆրանսիական համալսարան, ապա հանդիպել ՀՀ նախագահ Արմեն Սարգսյանի և ՀՀ վարչապետ Նիկոլ Փաշինյանի հետ:
Մնացականյանը նշեց, որ Լը Դրիանը առաջին ԱԳ նախարարն է, ով Հայաստան է այցելում քաղաքական վերջին զարգացումներից հետո:
«ՀՀ և Ֆրանսիայի առանձնաշնորհյալ հայտարարությունները հագեցած են փոխադարձ աջակցության ու բարեկամության դրսևորումներով, մենք միշտ զգացել ենք Ֆրանսիայի աջակցությունը: Հայ-ֆրանսիական հարաբերությունները գտնվում են բարձր մակարդակի վրա, ինչի վկայությունն է քաղաքական բարձր մակարդակի երկխոսությունը, այցերը, համագործակցային կապերը»,- ասաց Մնացականյանը:
Նա տեղեկացրեց, որ Ֆրանսիայի իր գործընկերոջ հետ օրակարգի տարբեր հարցերի վերաբերյալ երկխոսություն ունեցան, հանդիպման օրակարգում էր Մակրոնի՝ աշնանը Հայաստան կայանալիք այցը, խոսել են ապակենտրոնացված համագործակցության, կրթամշակութային համատեղ ծրագրերի մասին:
Հետևեք մեզ Facebook-ում