Ի՞նչ ա նշանակում ռոումինգ՝ Հայաստանի ու Արցախի միջև

Երեկ "Կյանք ու կռիվ" ֆիլմի երկրորդ մասն էինք նայում։ Ֆիլմի մասին չեմ պատմի՝ ինքներդ կնայեք։ Բայց մեջը մի շատ դիպուկ արտահայտություն կա։
Դրվագներից մեկում հատուկ ջոկատի տղերքը Արցախից հետ են գալիս, ու ճանապարհին՝ մեքենայի մեջ, նրանցից մեկն ասում ա՝ այ հիմա կռիվը իրոք վերջացավ։
Ընկերներից մեկը հարցնում է՝ էդ ինչի՞ց վերցրիր։

Պատասխանում ա՝ դե "Վիվասելը" ռոումինգը էլի թանկացրեց (եթե հիշում եք, մեր բջջային օպերատորները ապրիլյան դեպքերի օրերին մի որոշ ժամանակ ռոումինգը էժանացրեցին)։
Սա ընդհանրապես խայտառակ թեմա ա, որի մասին ինչքան գրվեց, մեկ ա՝ մարդիկ խելքի չեկան։

Ի՞նչ ա նշանակում ռոումինգ՝ Հայաստանի ու Արցախի միջև։ Կամ ի՞նչ ա նշանակում արցախյան համարից հայաստանյան համարին զանգը դիտարկել միջազգային հեռախոսազանգ։ Շատ անկեղծ ասած՝ նշանակում ա փող լափել, ու հատկապես զինվորների հաշվին։ Ու կարծում եմ՝ Հայաստանի ու Արցախի կառավարությունները պիտի համատեղ աշխատեն՝ էս հարցը լուծելու համար։

Էս թեմային երկար ժամանակ չէի ուզում անդրադառնայի, քանի որ ընդհանրապես Արցախին վերաբերող հարցերում մի քիչ վերապահումներով եմ մոտենում, բայց "Ղարաբաղ Տելեկոմը" համը իրոք հանում ա։ Դրանց գյամերը քաշել ա պետք։

Հակառակը՝ Արցախի ու Հայաստանի միջև հեռախոսակապը պիտի լինի արտոնյալ, զրոյին մոտ սակագներով։

Բաբկեն Թունյանի ֆեյսբուքյան էջից