Հայաստան-Վրաստան հարաբերությունները պետք է զերծ լինեն աշխարհաքաղաքական ազդեցությունից. Նիկոլ Փաշինյան

Հայաստանի նորընտիր վարչապետ Նիկոլ Փաշինյանը համարում է, որ Վրաստանի և Հայաստանի միջև հարաբերությունները պետք է էլ ավելի խորացնել:

Վրաստան-Հայաստան հարաբերությունների շուրջ Վրաստանի «Առաջին ալիքին» բացառիկ հարցազրույց է տվել Նիկոլ Փաշինյանը:

Հայաստանի վարչապետը հայտարարում է, որ Վրաստանի և Հայաստանի հարաբերությունները չպետք է հիմնված լինեն աշխարհաքաղաքական ազդեցությունների վրա:

«Վրաստանը բարեկամ երկիր է: Վրաստանի և Հայաստանի եղբայրական հարաբերությունները պետք է զարգանան, քանի որ մենք եղբայրական երկրներ ենք և գործընկերներ: Մեր կուսակցության ծրագրում Վրաստանը որոշիչ դեր ունի Հայաստանի համար:

Կարծում եմ՝ մեր հարաբերությունները պետք է զերծ լինեն աշխարհաքաղաքական ազդեցությունից: Երբեմն, մեր հարաբերությունների վրա են ազդում աշխարհաքաղաքական գործոններ և ցավոք, այդ գործոնները ոչ միշտ են դրական:

Երբեմն ունենք բացասական»,- հայտարարել է Նիկոլ Փաշինյանը:

Նա համարում է, որ Վրաստանը և Հայաստանը պետք է ձևավորեն հարաբերություն, որը կլինի զատ աշխարհաքաղաքական գործոններից:

«Կարծում եմ՝ մենք պետք է ձևավորենք հարաբերություն, որը կլինի զատ աշխարհաքաղաքական գործոններից: Հայաստանը և Վրաստանը պետք է խորացնեն հարաբերությունը բոլոր ոլորտներում, ինչպես տնտեսական, այնպես էլ քաղաքական ոլորտներում և պետք է զարգանան նաև հարաբերությունները ժողովուրդների միջև»,- հայտնել է Առաջին ալիքին Նիկոլ Փաշինյանը:

Նիկոլ Փաշինյանը վրաց գործընկերոջը՝ Գիորգի Կվիրիկաշվիլիին, հրավիրել է Հայաստան և հույս հայտնել, որ նման հրավեր կստանա նաև Վրաստանից: