Թիվ 11 դպրոցի տնօրենի հեռացման պահանջով «Ելք»-ը դիմել է քաղաքապետին. Լուսանկարներ. Տեսանյութ
Երևանի Մոնթե Մելքոնյանի անվան թիվ 11 դպրոցում այսօր հավաքված մի քանի տասնյակ ծնողներ, ուսուցչական կազմի ներկայացուցիչներ, աշակերտներ պահանջել են դպրոցի տնօրեն Ռուզաննա Ազիզյանի հրաժարականը՝ պնդելով, որ դպրոցում շարունակվում են պարբերական դրամահավաքները, ուսուցիչները և մյուս աշխատակիցները իրենց ստացած տարեկան պարգևավճարները հավաքում ու Ազիզյանի վստահված անձի միջոցով հանձնում են նրան:
Երևանի ավագանու «Ելք» խմբակցության ղեկավար Դավիթ Խաժակյանը հավաքվածներին ասել է, որ խմբակցությունը կդիմի քաղաքապետ Տարոն Մարգարյանին՝ առաջարկելով աշխատանքից ազատել Ազիզյանին:
Ռուզաննա Ազիզյանը Հանրապետական կուսակցության անդամ է, նախկին նախագահ Սերժ Սարգսյանի համակուրսեցին:
Նախկինում ևս դպրոցից ահազանգեր եղել են, սակայն քաղաքապետարանի անցկացրած ստուգումները օրենքի խախտումներ չեն արձանագրել:
***
Քիչ առաջ Դավիթ Խաժակյանն իր ֆեյսբուքյան էջում տեղեկացրել է այն մասին, որ դիմել են քաղաքապետին՝ դպրոցի տնօրենի հեռացման պահանջով:
Կից ներկայացրել է ուսուցչական անձնակազմի ստորագրահավքը՝ հեռացման պահանջի վերաբերյալ և գրել է, որ այն, ինչ տարիներ շարունակ արել է դպրոցի տնօրենը, պարզապես զարհուրելի է և օր առաջ նա պետք է հեռացվի:
Հետևեք մեզ Facebook-ում