Ազգային ժողովում նիստը չի կայանում. քվորում չկա. «Ծառուկյան» խմբակցությունը բոյկոտ է հայտարարել

Հայաստանի Ազգային ժողովում այսօր՝ մայիսի 2-ին նախատեսված էին հերթական նիստերը, սակայն նիստը չսկսվեց քվորում չլինելու պատճառով:

ԱԺ նախագահ Արա Բաբլոյանը հայտարարեց, որ գրանցվել է ընդամենը 27 պատգամավոր. «Քվորում չունենք: ԱԺ կանոնակարգ սահմանադրական օրենքի 51-րդ հոդվածի 4-րդ մասի համաձայն գրանցումը շարունակվում է մինչեւ անհրաժեշտ թվով պատգամավորների գրանցվելը, բայց ոչ ավելի քան 4 ժամ: Նշված ժամկետում նիստի իրավազորությունը ապահովվելու դեպքում նախագահողը տեղեկացնում է նիստը սկսվելու մասին: Իսկ չապահովման դեպքում՝ նիստերը համարվում են չկայացած»,-հայտարարեց նա:

Վարման կարգով ձայն խնդրեց «Ծառուկյան» խմբակցության քարտուղար Վահե Էնֆիաջյանը եւ ասաց. «Երկրում աննախադեպ վիճակ է, «Ծառուկյան» խմբակցությունը հայտարարում է քաղաքական բոյկոտ եւ այս 4-օրյա աշխատանքներին չի մասնակցելու»:

Մանրամասները՝ NEWS.am-ում: