Դժվար օրեր Փաշինյանի համար. ազատ կարձակվե՞ն Սասնա Ծռերը

Այսօր,մայիսի 1-ին ՀՀ ներքաղաքական վիճակը ամենայան հավանականությամբ կհանգուցալուծվի, Նիկոլ Փաշինյանի վարչապետ ընտրվելով: Հանրության սպասելիքները Նիկոլ Փաշինյան վարչապետից բավական շատ են:

Հանրության բավական մեծ զանգված սպասում է, թե երբ են ազատ արձակվելու բոլոր քաղաքական բանտարկյալները, որոնց հասցրել է այս տարիներին բանտերը լցնել Սերժ Սարգսյանի իշխանությունը: Սակայն պետք է նկատել, որ դեռևս միանշանակ չէ քաղաքական դաշտի խաղացողների համար, թե ովքեր են քաղաքական բանտարկյալներ, իսկ ովքեր ոչ : Այս առումով ամենամեծ վեճի առարկան Սասնա ծռեր խմբի տղաների հետ է կապված: Տղաներին աջակցող քաղաքական խմբերը նրանց միանշանակ քաղաքական բանտարկյալ են համարում, ավելին տղաներն իրենք, ինչպես հանձնվելուց առաջ հայտարարեց Վարուժան Ավետիսյանը իրենց համարում են ռազմագերիներ, սակայն կան նաև քաղաքական շրջանակներ, որոնք Սասնա ծռեր խմբի ոչ բոլոր անդամներին են համարում քաղբանտարկյալներ՝ նշելով, որ այնուամենայնիվ եղել են սպանություններ, որոնց համար պետք է լինեն պատասխանատվություն կրողներ: Հասարակության մեջ կան խմբեր, որոնք ավելի հեռուն են գնում և Սասնա ծռեր խմբի անդամներին համարում են ահաբեկիչներ: Այդպիսինները հիմնականում ՀՀԿ-ական իշխանության աջակիցներն են:

Նիկոլ Փաշինյանն այս առումով ևս միանշանակ գնահատական չունի: Նա խմբի տղաներին չի համարում ահաբեկիչներ, բայց նաև չի էլ հայտարարել, որ նրանց համարում է քաղաքական բանտարկյալներ: Այս խմբի տղաների հարցով Փաշինյանը ժամանակին հայտարարել է.«Եթե մենք այս իրավիճակը պետք է գնահատենք քրեական օրենսգիրքը բացելով և ցիտելով, սա նշանակում է, որ մենք ճիշտ չենք հասկանում տեղի ունեցողի դրդապատճառները։ Ինձ համար անընդունելի են նաև այն ձևակերպումները, որ «Սասնա ծռեր» խմբի անդամներին փորձ է արվում ներկայացնել ուղղակի ահաբեկիչ», – մասնավորապես ասել էր Փաշինյանը։

Մանրաամսները՝ Politik.am-ում: