Մայիսի 1-ին ՀՀԿ-ի պարտությունը անխուսափելի է

Ինչպես  հայտնի է, վաղը ԱԺ- ում  լուծվելու է վարչապետի հարցը: Շատերը  մտավախություն  ունեն, որ ՀՀԿ խմբակցությունը  միասնաբար  կտապալի այս  խնդիրը: Սակայն դա արդեն  հնարավոր չէ, նրանց  գնացքը անդառնալի  հեռացել է:  Այսպիսի  համաժողովրդական  ալիքի  պայմաններում ինչքան էլ որ նրանք չուզեն, այլևս մանևրելու  շանս  չունեն, նույնիսկ  եթե ստանան «դրսի»  աջակցությունը: Նրանք,  ամենակարևորը,  պարտվել են  նախ և առաջ  մարդկանց  հոգիներում:  Մարդիկ հասկացան, որ ամեն ինչ  կախված է իրենցից, այլ ոչ թե «դրսից»:

Այս  պայմաններում  ցանկացած անդրկուլիսյան  գործողությունն էլ  ավելի է  կատաղեցնելու ժողովրդի,ն և  հենց  դրա  պատճառով էլ նրանց  միակ  ճիշտ քայլը իրենց  լիդերին  հետևելն է և արժանապատիվ ընդունելը իրենց  պարտությունը: Հայաստանը թևափոխում է իր զարգացման նոր փուլ: Ինչպիսին  կլինի հետսերժական և հետհհկական   Հայաստանը, դեռ  ոչ ոք  չգիտի, սակայն  մեկ  բան  ակնհայտ է, 1990-ից հետո մարդիկ կրկին հասկացան , որ իրենց  երկրի ապագան  կախված է ոչ թե Մոսկվայից կամ Վաշինգտոնից, այլ հենց  իրենցից: Բացի այդ, երբ ոտքի է կանգնում  ժողովուրդը, նրան  չի կարող  հաղթել ոչ մի բռնապետ: Սա է  իրականությունը:

Բարի գալուստ «Նոր  Հայաստան»:

Zham.am