Էդմոն Մարուքյանի երազանքը կատարվեց, նա հաճախ է ԱԺ-ում տեսնելու Սերժ Սարգսյանին

Երեկվա ԱԺ-ի նիստը դեռ երկար կհիշվի, որովհետև այն ավելի շատ նման էր կրկեսի, որտեղ բոլորի դերերը նախօրոք հայտնի էին: Եվ զարմանալի չէր, որ Սերժ Սարգսյանը իր ելույթները հիմնականում կարդում էր, քանզի բոլորի դերերը նախապես հայտնի էին Շեֆին:

Այս քաղաքականացված կրկեսում շատ հետաքրքիր ելույթներ եղան, որոնց մենք կանդրադառնանք, իսկ այսօր սկսենք «լուսավոր» Էդմոնից: Ըստ Շեֆի սցենաի, կարևոր չէր, թե ինչ կխոսի Էդմոնը, կարևոր էր նրա մասնակցությունը: Հենց դրա համար էլ Սարգսյանը հրապարակավ շնորհակալություն հայտնեց Էդմոնից նրա պահվացքի համար: Սակայն շատերի համար տեսանելի էր, թե ինչպես է Էդմոնը ուզում «նորովի» քծնել Սարգսյանին, նշելով, որ այս փոփոխությունների ամենակարևոր գործոնը: Դա այն է , որ վերջապես Շեֆը անձամբ է գալու ԱԺ-ը և պատասխանելու այդ թվում նաև իր՝ Էդմոնի հարցադրումներին: Կարելի է ասել իրականանում է Էդմոնը մանկության երազանքը, մարդ կարող է ոչ թե միջնորդավորված, այլ ուղղակի շփվել Շեֆի հետ:

Ի դեպ շատերը նկատեցին, որ Էդմոնի այս պահվածքը դուր չէր եկել երիտհհկականներին, և օրինակ Արմեն Աշոտյանը իսկական խանդի տեսարան ցույց տվեց՝ ծաղրելով Էդմոնին:

Իսկ Շեֆին այս ամենը դուր էր գալիս, քանզի լուսավորների նման «ընդդիմությունը» նվեր է ցանկացած իշխանության համար:

Սակայն Շեֆը մի պահանջ ունի Էդմոնի առաջ, հաճախ շփվելու դիմաց նա մի շատ կարևոր հարց պիտի լուծի՝ Նիկոլին փողոցից պետք է վերադարձնի ԱԺ: Եթե Էդմոնին դա հաջողվի, կդառնա Շեֆի «սիրելի ընդիմադիրը», իսկ եթե ոչ, ապա… բոլորին էլ պարզ է թե ինչ:

Այնպես, որ Շեֆին հաճախ տեսնելու համար Էդմոնը պետք է այս դժվարին հարցը լուծի:

Դավիթ Մկրտչյան