Սերգեյ Սկրիպալի առողջական վիճակը բարելավվում է. Սոլսբերիի հիվանդանոցի տնօրեն (տեսանյութ)

Անգլիական Սոլսբերի քաղաքի հիվանդանոցի տնօրեն Քրիստին Բլանշարդը հայտնել է, որ ռուսական հետախուզական վարչության նախկին աշխատակից Սերգեյ Սկրիպալի առողջական վիճակը բարելավվում է, հույս կա, որ նա դուրս կգրվի հիվանդանոցից, հայտնում է Russia Today-ը:

«Յուլյայի հայրը հասել է նկատելի առաջընթացի: Չնայած նա ավելի դանդաղ է վերականգնվում, քան Յուլյան, մենք հույս ունենք, որ նա նույնպես կկարողանա դուրս գրվել հիվանդանոցից իր ժամանակին»,- ասել է նա:

Ավելի վաղ հաղորդվել է, որ ռուսական հետախուզական վարչության նախկին աշխատակից Սերգեյ Սկրիպալի դուստրը՝ Յուլյա Սկրիպալը, դուրս է գրվել Սոլսբերիի հիվանդանոցից և տեղափոխվել է «անվտանգ վայր»:

Հիշեցնենք, որ 66-ամյա նախկին լրտես Սերգեյ Սկրիպալը և նրա դուստրը մարտի 4-ին նյարդապարալիտիկ գազի ազդեցության են ենթարկվել անգլիական Սոլսբերի քաղաքում և անգիտակից վիճակում տեղափոխվել հիվանդանոց։

Թեև Մեծ Բրիտանիան պնդում է, որ հարձակման կազմակերպիչը Ռուսաստանն է, սակայն ՌԴ նախագահի մամուլի քարտուղար Դմիտրի Պեսկովը հայտարարել է, որ Սկրիպալների թունավորմանը Ռուսաստանի ներգրավվածության առնչությամբ ադեկվատ և խելամիտ ապացույցներ չեն ներկայացվել:

Աղբյուրը՝ Tert.am

Տեսանյութը՝ հղումով: