Այս ընտրությունները չպետք է լինեն նախորդների պես՝ «ինչքան ուզեն՝ խփեն» սկզբունքով

Ապրիլի 2-ին ընդառաջ քաղաքական ուժերը պետք է դաշինքով հանդես գան: Սա միանշանակ պետք է տեղի ունենա, քանի որ սա ճակատագրական ընտրություններ են թե՛ հասաակության, թե՛ իշխանության և թե՛ ընդդիմադիր ուժերի համար: Այս առումով կարևոր դիտարկումներ է անում քաղաքագետ Երվանդ Բոզոյանը. այո, մենք հապաղելու տեղ չունենք, և օր առաջ դաշինք պետք է ձևավորվի իշխանությունից դուրս ուժերի միջև, այլապես իշխանության հաղթանակը կանխորոշված է, և եթե դաշինք տեղի չունենա, ապա այսօրվանից ՀՀԿ-ին կարող ենք շնորհավորել:

Իհարկե, հասկանալի է՝ շատերն են կարծում, որ իշխանությունում եղած մարդկանց հետ ընտրության, համագործակցության գնալը հնարավոր չէ, բայց այսօր մենք այլ տարբերակ ունե՞նք: Եթե նրանք դուրս են եկել իշխանության դեմ, ուզում են այս ֆորմատով պայքարել երկրում դրականին հասնելու համար, ինչո՞ւ չընդունել նրանց, ինչո՞ւ դաշինք չկազմել ու ընտրություններին Հանրապետականների շանսերը հասցնել 50-50-ի: Մի մեղադրեք այն քաղաքական ուժերին, որոնք իշխանության եղած տարիներին հրաշքներ չեն գործել. մենք լավ գիտենք՝ այս երկրում բացառապես բոլոր որոշումները Սերժը միանձնյա է որոշում և իրականացնում...
Մենք պետք է ընդունենք՝ քաղաքական ուժերի դաշինք կազմելն է մեր միակ ելքը, իսկ իշխանությունը պետք է հասկանա՝ ունի մեծ խոչընդոտ՝ այս ճակատագրական ընտրությունները չպետք է լինեն նախորդների պես՝ «ինչքան ուզեն՝ խփեն» սկզբունքով:

Կից նյութը՝ այստեղ:

Սաթեն Մանասյանի ՖԲ էջից